У Магілёве і Бабруйску прадаюць з аўкцыёну гандлёвыя цэнтры апальнага бізнэсмена
Два буйныя гандлёвыя цэнтры ў Магілёве і Бабруйску выставілі на таргі за нявыплату падаткаў. Іх уладальнікам з'яўляецца гандлёвы дом «Стралец», які належыць полацкаму бізнэсмену Уладзіміру Захараву. Інфармацыя пра продажы размешчана на сайце «БелЮрЗабеспячэння».
Гандлёвы дом «Стралец» у Магілёве размешчаны на вул. Каштанавай, 4. Гэта даволі папулярнае месца з 32 арандатарамі, уключаючы крамы «Еўраопт» і «Міла». За пяціпавярховы будынак плошчай 3778,7 кв.м просяць каля 6,168 млн рублёў.
У Бабруйску гандлёвы цэнтр знаходзіцца на вул. Ульянаўскай, 60. Тут два паверхі і цокаль агульнай плошчай 2678 кв. м. Там каля 20 арандатараў, уключаючы «Востраў чысціні», «Беліта-Вітэкс» і іншых. Стартавая цана — каля 3,34 млн рублёў.
Таргі па гэтых двух аб'ектах запланаваныя на 30 мая.
Уладзімір Захараў — адзін з найбуйнейшых уладальнікаў гандлёвай нерухомасці ў Беларусі. У свой час ён уваходзіў у топ-200 самых уплывовых бізнэсоўцаў у краіне. У канцы 2022-га ён выставіў на продаж больш за 30 аб'ектаў нерухомасці, а ў студзені 2023-га кампанія «Гандлёвы дом «Стралец» была закрытая, сам жа бізнэсмен з'ехаў з Беларусі. Крыху пазней з'явілася інфармацыя пра завядзенне супраць яго трох крымінальных спраў за нявыплату падаткаў, драбненне бізнэсу і т. д.
Завочна будуць судзіць полацкага бізнэсмена Захарава
«Бананавы кароль» Захараў зарубіўся з ДФР і шле Качанавай пакаянныя лісты, называючы апазіцыю «жопазіцыяй»
КДК арыштаваў маёмасць буйнога полацкага бізнэсмена амаль на 100 млн даляраў. Відаць, гэта Уладзімір Захараў
Вядомы полацкі бізнэсмен распрадае дзясяткі гандлёвых аб'ектаў па ўсёй Беларусі
Каментары