Дырэктара Музычнага тэатра, дзе сыгралі «Перамен», усё ж звольнілі
Дырэктар Музычнага тэатра Сяргей Пукіта звольнены са сваёй пасады. Яго прозвішча знікла са старонкі з імёнамі кіраўнікоў на сайце калектыву. Раней крыніца «Люстэрка» пацвердзіла, што 21 сакавіка ў Пукіты быў апошні працоўны дзень.
Прычынай звальнення, мабыць, стала кампазіцыя «Пераменаў!» савецкага рок-гурта «Кіно». 16 сакавіка ў Музычным тэатры выступаў сімфанічны аркестр Варонежскай канцэртнай залы з праграмай «Анталогія рускага року», у рэпертуары якога якраз ёсць гэтая кампазіцыя.
17 сакавіка тэлеграм-канал «Motolkohelp» апублікаваў аўдыёзапіс выступу і рэакцыю залы. Паводле звестак канала, аркестру «падпявала літаральна ўся зала».
— Зала падтрымала выступ з гэтай кампазіцыяй, стоячы з ліхтарыкамі, — распавяла крыніца.
Пасля гэтага было прынята рашэнне звольніць Пукіту.
— Супрацоўнікі тэатра ў цэлым характарызуюць яго як разумнага, сумленнага чалавека, — каментаваў наш суразмоўца.
Цяпер в.а. дырэктара прызначылі Генадзя Місуну, які да гэтага займаў пасаду намесніка дырэктара.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый8
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары