Dyrektara Muzyčnaha teatra, dzie syhrali «Pieramien», usio ž zvolnili
Dyrektar Muzyčnaha teatra Siarhiej Pukita zvolnieny sa svajoj pasady. Jaho proźvišča źnikła sa staronki ź imionami kiraŭnikoŭ na sajcie kalektyvu. Raniej krynica «Lusterka» paćvierdziła, što 21 sakavika ŭ Pukity byŭ apošni pracoŭny dzień.
Pryčynaj zvalnieńnia, mabyć, stała kampazicyja «Pieramienaŭ!» savieckaha rok-hurta «Kino». 16 sakavika ŭ Muzyčnym teatry vystupaŭ simfaničny arkiestr Varoniežskaj kancertnaj zały z prahramaj «Antałohija ruskaha roku», u repiertuary jakoha jakraz jość hetaja kampazicyja.
17 sakavika telehram-kanał «Motolkohelp» apublikavaŭ aŭdyjozapis vystupu i reakcyju zały. Pavodle źviestak kanała, arkiestru «padpiavała litaralna ŭsia zała».
— Zała padtrymała vystup z hetaj kampazicyjaj, stojačy ź lichtarykami, — raspaviała krynica.
Paśla hetaha było pryniata rašeńnie zvolnić Pukitu.
— Supracoŭniki teatra ŭ cełym charaktaryzujuć jaho jak razumnaha, sumlennaha čałavieka, — kamientavaŭ naš surazmoŭca.
Ciapier v.a. dyrektara pryznačyli Hienadzia Misunu, jaki da hetaha zajmaŭ pasadu namieśnika dyrektara.
Ciapier čytajuć
«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ73
«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary