Ён адзначыў, што многія «пачынаюць выць» і скардзіцца на санкцыі, што беларускіх спартоўцаў не дапускаюць да міжнародных спаборніцтваў.
«А куды вас не пускаюць? Вас што, у Расію не пускаюць? Гэта самая моцная спартыўная дзяржава нашай планеты [Што да Алімпійскіх гульняў, то Расія даўно нават не трэцяя, а ў футболе нават не дзясятая — НН], — сказаў ён. — Я назіраю цяпер вельмі пільна (больш, упэўнены, чым хто-небудзь з вас), што адбываецца ў Расійскай Федэрацыі са спортам.
Там увесь час паказчыкі ў спорце павялічваюцца. Там лыжнікі бегалі слабей — зараз бягуць хутчэй. Там хакей — ёсць хакей. І футбол тамака — дай бог. Я кажу: выйграйце ў расіянаў. Паспаборнічайце з імі і прыйдзіце дакладзіце, што вы выступілі лепш, чым расейцы ва ўсіх відах спорту. І ад вас больш нічога не трэба. Краіна будзе шчаслівая».
Што датычыцца ў цэлым цяперашніх вынікаў у айчынным спорце, Лукашэнка сказаў так: «Сорамна глядзець. Часам брыдка».
Пасля поўнамаштабнага ўварвання ва Украіну расійскі і беларускі спорт адхілены ад міжнародных спаборніцтваў (за выключэннем футбола для беларусаў і тэніса для абедзвюх краін). Таму ў Расіі праводзяцца ўласныя спартакіяды па лыжных гонках, біятлоне і фрыстайле ды інш. з удзелам беларусаў. Застаўся чэмпіянат Кантынентальнай хакейнай лігі, баскетбольная Адзіная ліга ВТБ. Расійскі футбол на міжнародным узроўні застаўся ў таварыскіх матчах з нятопавымі зборнымі Азіі і Афрыкі.
Удзел у Летніх Алімпійскіх гульнях у 2024 годзе таксама пад пытаннем для беларусаў. Спартоўцы павінны ехаць туды пад нейтральным сцягам, без чыноўнікаў і адхрысціўшыся ад падтрымкі нападу Расіі на Украіну і ад супрацоўніцтва з беларускімі сілавымі структурамі (многія спартоўцы лічацца пры МУС, арміі і КДБ). Таксама трэба паспець прайсці кваліфікацыйныя адборы.
Цяпер чытаюць
«Кайлас, я іду». Што за беларуска знікла ў жудасным селі ў Непале6
Каментары