Raiffeisen Bank прадае сваю маёмасць арабам і сыходзіць з Беларусі
Аўстрыйская Raiffeisen Bank International AG (RBI) рыхтуецца прадаць сваю маёмасць у Беларусі інвестарам з Аб’яднаных Арабскіх Эміратаў, паведамілі ў Прыёрбанку.
RBI, як паведамляецца, знаходзіцца ўжо на прасунутай стадыі перамоваў пра продаж 87,74 % сваіх акцыяў у Прыёрбанку і яго даччыных кампаніях інвестару з ААЭ Soven 1 Holding Limited. Гэта «можа прывесці да патэнцыйнага сыходу RBI з беларускага рынку».
Пры гэтым банк панясе вялікія матэрыяльныя страты. Яны складуць каля 225 мільёнаў еўра ў сувязі з розніцай у кошце пакупкі і балансавага кошту капіталу Прыёрбанка.
Таксама «чакаецца дадатковы адмоўны фінансавы вынік у памеры каля 450 мільёнаў еўра на кансалідаваны прыбытак групы RBI, звязаны з рэкласіфікацыяй пераважна гістарычных стратаў ад курсавых розніц, якія цяпер знаходзяцца ў іншым сукупным даходзе».
Яшчэ ў траўні мінулага года стала вядома, што Raiffeisen Bank International закрывае карэспандэнцкія рахункі беларускіх банкаў.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну87
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Большие сомнения, что это арабы.
Вероятней всего семейка готовит для себя сладкую жизнь.