Яны выступяць з песняй «Teresa & Maria».
Фота: інстаграм артыстак
Дуэт Jerry Heil і Alyona Alyona перамог ва ўкраінскім нацадборы на «Еўрабачанне» і цяпер прадставіць краіну на конкурсе.
Песня дуэта стала папулярнай ва Украіне, але згадка маці Тэрэзы ў ёй выклікала дыскусію. Некаторыя прапаноўвалі прыбраць яе імя, бо фігура манахіні неадназначная. Дуэт жа тлумачыў, што маці Тэрэза ў песні — вобраз, а не канкрэтны чалавек.
«Трэк аб простых ісцінах, якія павінны нагадаць людзям, што мы людзі, але можам дасягнуць проста нерэальных вяршыняў», — дзялілася Alyona Alyona.
«Еўрабачанне» сёлета пройдзе 7-11 мая ў шведскім горадзе Мальмё. Расію і Беларусь ад удзелу ў конкурсе адхілілі.
Каментары