Ягоная зорка ззяла ў 1950 і 1960-я гады.
Экс-футбаліст і трэнер зборнай Бразіліі Марыа Загала памёр на 93-м годзе жыцця. Прычыны смерці не паведамляюцца.
«Адданы бацька, дзядуля, клапатлівы цесць, верны сябар, прафесіянал-пераможца і вялікі чалавек. Гіганцкі ідал. Патрыёт, які пакідае нам спадчыну вялікіх дасягненняў», — гаворыцца ў яго афіцыйнай старонцы ў сацсетках.
Бразілец стаў першым, хто выйграў чэмпіянат свету як гулец і трэнер.
Таксама Загала з'яўляецца адзіным чалавекам, якому ўдавалася чатыры разы выйграць чэмпіянат свету ў розных статусах: ён двойчы станавіўся чэмпіёнам свету ў якасці футбаліста (1958, 1962), затым як трэнер (1970 год) і як памочнік галоўнага трэнера (1994 год).
Загала гуляў за бразільскія «Амерыку», «Фламенга» і «Батафога».
Ён быў трэнерам зборнай Бразіліі (1967-1968, 1970-1974, 1994-1998). У 1991 годзе ён стаў каардынатарам зборнай і асістэнтам галоўнага трэнера Карласа Алберта Парэйры: на гэтай пасадзе ў 1994-м годзе ён стаў чэмпіёнам свету і ў тым жа годзе змяніў Паррэйру на пасадзе галоўнага трэнера. Ён таксама трэніраваў зборныя ААЭ, Кувейта і Саудаўскай Аравіі.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам16
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары