БАТЭ абвясціў пра расставанне з Кірылам Альшэўскім і яго асістэнтамі
Інсайдарскія звесткі наконт спынення супрацоўніцтва з галоўным трэнерам аказаліся праўдзівымі.
Прэс-служба барысаўчан паведаміла, што Альшэўскі пакідае БАТЭ.
Акрамя таго, расстаецца з клубам і шэраг асістэнтаў Кірыла Пятровіча: старшы трэнер Аляксандр Лісоўскі, трэнер брамнікаў Эдуард Тучынскі, адміністратар Андрэй Ігнатовіч, масажыст Андрэй Крыўчык. Таксама пакіне лагер «жоўта-сініх» і галоўны трэнер дублёраў Віктар Ганчарэнка (іншы, не зорны былы коўч клуба), піша football.by.
Такім чынам, працу ў камандзе працягваюць Уладзімір Нявінскі, Дзмітрый Ліхтаровіч і Ігар Ражкоў.
Што тычыцца Альшэўскага, то ён прыняў БАТЭ восенню 2022 года. З ім «жоўта-сінія» заваявалі бронзу пазамінулага чэмпіянату і засталіся без узнагарод у мінулым — упершыню з 2005-га.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца10
Каментары