Беларускі трэнер, што прыводзіў да золата БАТЭ і «Шахцёр», узначаліў кволы расійскі клуб з другога дывізіёна
Экс-трэнер салігорскага «Шахцёра» Аляксей Бага прыняў прапанову ўзначаліць саратаўскі «Сокал», які выступае ў першай лізе расійскага футбольнага чэмпіянату (ФНЛ), паведамляе прэс-служба клуба.
Аляксей Бага пачынаў кар'еру трэнера ў БАТЭ, затым былі літоўскі «Жальгірыс», казахстанскі «Актабэ» і азербайджанскі «Сумгаіт».
Аляксей Бага прыводзіў БАТЭ, «Шахцёр» і «Жальгірыс» да чэмпіёнскіх тытулаў. У мінулым сезоне ён трэніраваў салігорскі «Шахцёр», клуб фінішаваў на 13-м месцы ў чэмпіянаце, але з-за дамоўных матчаў у гарнякоў былі забраныя 35 балаў. Так бы «Шахцёр» фінішаваў бы шостым.
«Сокал» у мінулым годзе выйграў чэмпіянат другой лігі і выйшаў у першую лігу. Пасля 20 тураў клуб займае 16-е месца (з 18) і знаходзіцца ў зоне вылету. Чэмпіянат першай лігі адновіцца ў пачатку сакавіка.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары