Венесуэла і ЗША дамовіліся паміж сабой і вызвалілі са сваіх турмаў раней зняволеных асоб.
Як паведамілі ў Белым доме, венесуэльскія ўлады адпусцілі дзесяць грамадзян ЗША, якія вернуцца дадому. Таксама амерыканскаму боку выдадзены амерыканец, які ўцёк ад правасуддзя на радзіме — Леанард Фрэнсіс. Акрамя таго, вызваленыя 20 венесуэльскіх палітвязняў.
«Мы забяспечваем выкананне венесуэльскім рэжымам сваіх абавязацельстваў. Яны абвясцілі аб дарожнай карце выбараў, узгодненай апазіцыйнымі партыямі, для канкурэнтных прэзідэнцкіх выбараў у 2024 годзе. Гэта пазітыўны і важны крок наперад. А сёння вызваляюць дваццаць палітвязняў, акрамя пяцярых, вызваленых раней. Мы працягнем уважліва сачыць за гэтым і пры неабходнасці прымем адпаведныя меры. Мы падтрымліваем дэмакратыю ў Венесуэле і спадзяванні венесуэльскага народа», — заявіў прэзідэнт ЗША Джо Байдэн.
У адказ ЗША вызвалілі бізнэсоўца Алекса Сааба, які вёў бізнэс з урадам Венесуэлы. Ён абвінавачваўся ў адмыванні грошай. У 2020 годзе яго затрымалі ў Каба-Вэрдэ і экстрадавалі ў ЗША. Урад Вэнэсуэлы сцвярджаў, што ў гэтага чалавека ёсць дыпламатычны статус, і выступаў за яго вызваленне.
Раней ЗША часткова аслабілі накладзеныя на Венесуэлу санкцыі пасля таго, як Нікалас Мадура і апазіцыя дамовіліся аб правядзенні канкурэнтных выбараў.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары