Крышціяну Раналду далучыўся да інвеставання 40 мільёнаў даляраў у футбольны сімулятар, створаны беларусамі. Расказваем галоўнае пра гульню, што прывабіла футбольную легенду.
Мільёны ад Раналду атрымае бясплатны футбольны сімулятар UFL. Пра гэтую гульню, якая пакуль не з’явілася на рынку, кажуць, што яна створаная геймерамі і заснаваная на справядлівым падыходзе да футбола, калі на першы план выходзяць навыкі геймера. UFL лічаць канкурэнтам знакамітага футбольнага сімулятара EA Sports FC, які раней выходзіў пад назвай FIFA.
Сярод стваральнікаў UFL — кампанія Strikerz Inc., якая цяпер базіруецца на Кіпры, але мае беларускія карані. Яе кіраўнік, беларус Яўген Нашылаў, не менш рады пасупрацоўнічаць са знакамітым партугальцам: «Тое, што Крышціяну Раналду далучаецца да нас як партнёр і інвестар — значны крок наперад і падтрымка нашага бачання таго, як стварыць вядучую гульню для футбольных фанатаў ва ўсім свеце. UFL імкнецца да інавацый, тэхналогій і забаўляльнасці, і мы бачым вялікія магчымасці для таго, каб працаваць у гульнявой індустрыі па-іншаму».
Што вядома пра саму гульню UFL? Чакаецца, што ў ёй геймеры атрымаюць магчымасць ствараць уласныя клубы і выбіраць для яе гульцоў з больш чым пяці тысяч ліцэнзаваных футбалістаў. Таксама ў геймераў будзе магчымасць спаборнічаць з іншымі гульцамі з усяго свету.
Дата рэлізу гульні пакуль невядомая, але хутка пачнецца фаза яе закрытага тэставання. Гульня будзе даступная для кансоляў PlayStation 5 і Xbox Series X і S. Можна будзе атрымліваць усе новыя абнаўленні UFL без дадатковых выплат ці штогадовых унёскаў.
«Наша Нiва» — бастыён беларушчыны
ПАДТРЫМАЦЬНайлепшы футбаліст Беларусі — віцябчук з афрыканскімі каранямі. Хто такі Макс Эбонг
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні3
Каментары