Здароўе99

Як часта трэба мяняць ручнік?

Ручнік, якім вы карыстаецеся пасля душа, не такі чысты, як вы думаеце. Бактэрыі і мікробы паўсюль.

Ілюстрацыйнае фота: AP Photo/Thibault Camus

Для многіх людзей штотыднёвая замена ручнікоў норма. Вы ж цалкам чысты/-ая пасля прыемнага, гарачага душа — то ж і ваш ручнік павінен быць такім некаторы час, так жа ж? Нягледзячы на ​​тое, што ваша цела адчувае сябе цудоўна свежым, звычайны ручнік збірае дзясяткі мільёнаў мёртвых клетак скуры разам з любымі грыбкамі і бактэрыямі, якія здолелі перажыць разам з вамі мыццё. А паколькі палавыя органы таксама ўступаюць у кантакт з ручнікамі, то і выдзяленні арганізма таксама могуць хутка пераносіцца на ручнік.

Вось яшчэ трохі солі на рану: часта ў ванных пакоях унітаз знаходзіцца не так далёка ад душа, і вядома, што кроплі туалетнай вады пры змыванні могуць пырскаць даволі высока і далёка, ставячы пад пагрозу ў тым ліку і ваш вільготны ручнік.

Калі ж казаць пра вільготнасць, якая відавочна частая з’ява ў ванным пакоі, то трэба памятаць, што ў кожны момант, калі ручнік не сушыцца, мікробы бесперапынна размнажаюцца. Вільготная атмасфера проста ідэальная для стымулявання росту цвілі і іншых непажаданых рэчываў.

На шчасце, догляд і абслугоўванне ручнікоў — зусім не ядзерная фізіка. Эксперты рэкамендуюць вешаць ручнік такім чынам, каб ён мог цалкам высахнуць (гэта значыць не пакідаць яго мокрым на кафлянай падлозе і не вешаць яго ў скамячаным выглядзе).

Таксама спрыяйце цыркуляцыі паветра і больш хуткаму высыханню, адчыняючы акно або ўключаючы выцяжку ў ваннай. Калі ў нейкі момант ручнік пачынае пахнуць — гэта відавочна не натуральны водар ручніка, а цвіль; і ручнік абавязкова трэба папраць.

Нават калі вы выконваеце ўсе гэтыя крокі, не карыстайцеся адным і тым жа ручніком больш за тры разы. Абавязкова выкарыстоўвайце цёплую або гарачую ваду з мыйным сродкам, калі мыеце ручнік, пажадана з адбельвальнікам.

З кухоннымі ручнікамі асобная гісторыя. Яны могуць уступаць у кантакт з некаторымі даволі падступнымі бактэрыямі, напрыклад, кішачнай палачкай. Выданне Howstuffworks раіць пасля кожнага выкарыстання праць іх у машыне (калі гэта магчыма, з антыбактэрыйнай або дэзынфікуючай праграмай) або, па меншай меры, апускаць ручнікі паміж выкарыстаннямі ў разведзены росчын адбельвальніка і даваць ім прасохнуць.

Каментары9

  • адбельвальнік
    02.12.2023
    "ручнік". нават я ведаю. хоць мяне нехта ўчора абзываў неадукаванай
    • Яніна
      02.12.2023
      Так, паглядзела ў слоўніках - і праўда "ручнік". Але гэта слоўнікі эпохі Крапівы. І першая асацыяцыя ў гэтым выпадку - гэта тое, што ёсьць у машыне. Трэба ўдакладніць усё ж у мовазнаўцаў.
  • ЯНКА
    02.12.2023
    Яніна, так, нам шкада, што ва Ўкраіне ідзе вайна. Але гэта не прычына, каб замяняць беларускае слова «ручнік» на «рушнык»!

Цяпер чытаюць

Крутога айцішніка, які вярнуўся з Грузіі, асудзілі па чатырох палітычных артыкулах1

Крутога айцішніка, які вярнуўся з Грузіі, асудзілі па чатырох палітычных артыкулах

Усе навіны →
Усе навіны

Кожныя два метры — пераход. Сюрпрыз для веласіпедыстаў у Мінску1

Сырскі папрасіў Трампа дапамагчы Украіне перанесці вайну на тэрыторыю Расіі7

Ва ўкраінскі палон трапіў 58-гадовы беларус, што ваяваў на баку Расіі8

А цяпер так можна? Як гісторык трапіў у Wargaming, замацаваўся ў ІТ і ўжо не баіцца ні крызісаў, ні ШІ2

«Як дабівацца праўды?» Пасля смерці школьніцы ў бальніцы Ельска бацькам не даюць ніякай інфармацыі пра расследаванне11

Кляшчы пакусалі 2000 беларусаў у адной толькі вобласці5

Беларус збірае мільёны праглядаў, паказваючы, як навучае пенсіянераў карыстацца смартфонамі3

Зяленскі падпарадкаваў антыкарупцыйныя ведамствы пракуратуры — людзі выйшлі на пратэсты13

Працоўныя мігранты з Пакістана будуць падпісваць абавязальніцтва не ўдзельнічаць у нелегальнай міграцыі2

больш чытаных навін
больш лайканых навін

Крутога айцішніка, які вярнуўся з Грузіі, асудзілі па чатырох палітычных артыкулах1

Крутога айцішніка, які вярнуўся з Грузіі, асудзілі па чатырох палітычных артыкулах

Галоўнае
Усе навіны →

Заўвага:

 

 

 

 

Закрыць Паведаміць