Расійскай мастачцы, якая мяняла цэннікі ў краме Пецярбурга на антываенныя ўлёткі, запрасілі восем гадоў калоніі
У Васілевостраўскім раённым судзе Пецярбурга завяршаецца разгляд справы мастачкі і музыканткі Сашы Скачыленка.
Пракурор Аляксандр Гладышаў запрасіў восем гадоў пазбаўлення волі для 33-гадовай дзяўчыны, якую абвінавачваюць у распаўсюдзе «фэйкаў» пра войска з-за таго, што яна мяняла цэннікі ў супермаркеце «Перекрёсток» на паперкі з інфармацыяй пра колькасць загінулых на вайне ва Украіне і заклікамі спыніць баявыя дзеянні.
Абарона папрасіла перапынак для аналізу прамовы абвінаваўцы, наступнае пасяджэнне пройдзе 13 лістапада, піша «Медыязона».
Сашу Скачыленка арыштавалі паўтара года таму, у красавіку 2022 года.
На дзяўчыну данесла пакупніца крамы. Мастачка прызнала факт распаўсюджвання ўлётак, але інфармацыю ў іх ілжывай не лічыць.
Дагэтуль за такія акцыі ў крамах Пецярбурга і іншых гарадах затрымлівалі актывістаў, але ім ставілі ў віну не крымінальны, а адміністрацыйны артыкул аб дыскрэдытацыі войска.
Суд аб меры стрымання ў чэрвені 2022 года ішоў пяць гадзін. Суддзя на патрабаванне следчых вырашыла правесці пасяджэнне ў закрытым рэжыме.
«Я не чакала такой падтрымкі, што столькі людзей прыйдзе. Мяне абвінавачваюць у тым, што я раблю нешта дрэннае, калі выступаю за мір, але падтрымка людзей паказвае, што гэта не так», — сказала Скачыленка былым калегам.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!1
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары