Грамадства44

«Яна моцна схуднела». Паліне Шарэндзе-Панасюк зноў прынеслі мех з яблыкамі, каб немагчыма было прыняць прадуктовую перадачу

Актывістцы «Еўрапейскай Беларусі» Паліне Шарэндзе-Панасюк у гомельскім СІЗА дазволілі спатканне з сваячкай. Пра спатканне Радыё Свабода расказаў муж палітзняволенай Андрэй Шарэнда.

Паліна Шарэнда-Панасюк у судзе 8 чэрвеня 2021 года. Фота: Белсат

«Агульнае ўражанне, што Паліна пачуваецца крыху лепш, чым раней, але ёсць і назіранні, якія непакояць. Сказаў чалавек, які з Палінай сустрэўся, што целам яна схуднелая, а вось твар чамусьці апухлы, бляклы.

А сама Паліна больш непакоіцца пра тое, што з ёю будзе ў калоніі ў Зарэччы, калі апеляцыя не дапаможа. Кажа пра вельмі дрэнныя ўмовы ў калоніі, не хоча туды зноў трапляць», — расказаў Андрэй Шарэнда.

9 кастрычніка над Палінай Шарэндай-Панасюк адбыўся другі суд, які прысудзіў ёй яшчэ адзін год зняволення паводле 411 артыкула Крымінальнага кодэкса — за злоснае непадпарадкаванне патрабаванням адміністрацыі папраўчай установы.

Такое пакаранне ў жніўні палітзняволеная ўжо адбыла, пакуль знаходзілася ў калоніі № 24 у Зарэччы Рэчыцкага раёна, але адтуль на волю яна так і не выйшла. На апошнім працэсе ў Рэчыцкім раённым судзе Паліна Шарэнда-Панасюк не прызнала віны і потым абскардзіла вырак. На час разгляду апеляцыйнай скаргі жанчыну змясцілі ў Гомельскі следчы ізалятар.

«Умовы там дрэнныя. Плюс зрабілі гэтак, каб сваякі не маглі перадаць ёй лекаў, і не прымаюць для яе перадач.

Дзеля гэтага паўтарылі трук з мехам яблык, які быў месяц таму. Зноў прынеслі ў камеру мех яблык вагой 30 кілаграмаў, нібыта нехта ёй перадаў, а цяпер не прымаюць прадуктовых перадач ад сваякоў на той фармальнай падставе, што закончыўся месячны вагавы ліміт. Здзекі працягваюцца», — зазначыў Андрэй Шарэнда.

Паводле мужа палітзняволенай Паліны Шарэнды-Панасюк, чакаць разгляду апеляцыі ёй давядзецца каля двух месяцаў.

За кратамі Шарэнда-Панасюк з 3 студзеня 2021 года. Праваабаронцы прызналі яе палітзняволенай.

Каментары4

  • нелюдзі
    25.10.2023
    пэўна нехта з супрацоўнікаў. хто ж яшчэ
  • Ёсік
    25.10.2023
    Зора, працоўнік калоніі. Якую ж асалоду атрымліваюць, зьдзекваючыся над жанчынай. Дзе ты, які с жанчынамі не ваюе?
  • mikola
    25.10.2023
    Zlaczyncy pracjagvaiuc zdekvacca...Jak by ih samyh-haceu by dazyc i PAGLJADZEC !

Цяпер чытаюць

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы4

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы

Усе навіны →
Усе навіны

Беларус забяспечыў казахстанскаму клубу еўракубкавую восень

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння26

Квіткі на цягнікі будуць каштаваць даражэй

Кубракоў загадаў пакараць нейкіх блатных за старыя парушэнні ПДР6

«Флагшток» абверг інфармацыю пра смерць трэцяга работніка «Беларуснафты» ад удару токам

Сілавікі заклікаюць людзей слаць ім інфармацыю ў чат-бот7

Дзяўчына зняла на відэа густы белы дым над Мінскам. Што гэта было?1

Дачка Стыва Джобса выйшла замуж за конніка. На вяселлі спяваў Элтан Джон

У Магілёве плануюць аднавіць Свята-Траецкую царкву3

больш чытаных навін
больш лайканых навін

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы4

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы

Галоўнае
Усе навіны →

Заўвага:

 

 

 

 

Закрыць Паведаміць