Піцаёла з Гродна асудзілі на пяць гадоў калоніі ўзмоцненага рэжыму нібыта за заклікі да масавых беспарадкаў
Працэс доўжыўся тры месяцы.
Суд Кастрычніцкага раёна Гродна вынес прысуд піцаёла гарадзенскай піцэрыі Сяргею Ботвічу, абвінаваціўшы яго ў масавых беспарадках паводле ч. 1 арт. 293 Крымінальнага кодэкса. Справу разглядаў суддзя Уладзімір Пазняк, прадстаўніком абвінавачання быў Краўчук, піша «Вясна».
Судовы працэс пачаўся яшчэ 16 мая і доўжыўся да 25 жніўня. Прысуд стаў вядомы толькі зараз.
Ботвіча затрымалі на пачатку студзеня — тады ў праўладных тэлеграм-каналах паведамлялася, што Сяргей нібыта адміністраваў дваровыя чаты, удзельнічаў у пратэсных мітынгах і заклікаў іншых удзельнічаць у іх, а таксама нібыта прымяняць гвалт у дачыненні да міліцыянтаў, даслоўна, «паліць аўтазакі».
Сяргей у судзе сваю віну прызнаў часткова, а вось прадстаўнік лінгвістычнай экспертызы — дацэнтка кафедры рускай філалогіі мясцовага ўніверсітэта патлумачыла суду, што «пакінутыя ім каментары ў сукупнасці з каментарамі, размешчанымі да і пасля складзеных ім тэкставых паведамленняў, падахвочваюць да новых відаў пратэсту, грубага і жорсткага сілавога іх вырашэння».
Суд прызначыў Ботвічу пяць гадоў калоніі ва ўмовах узмоцненага рэжыму.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары