7 чалавек у беларускай форме і балаклавах атакавалі польскіх памежнікаў — Памежная служба Польшчы
Група невядомых людзей у беларускай вайсковай форме і з замаскаванымі тварамі напалі на польскі памежны патруль. Гэты інцыдэнт адбыўся ў суботу ўвечары, афіцыйна паведамляе памежная служба Польшчы.
«Каля 21:00 (па польскім часе) непадалёк ад населенага пункта Дубічы-Царкоўныя 7 чалавек у беларускай форме і балаклавах пачалі страляць з рагатак у польскіх памежнікаў і сляпіць іх спецыяльнымі ліхтарыкамі. Невядомыя асобы рабілі гэта з тэрыторыі Беларусі», — распавяла польская памежная служба.
Па інфармацыі ведамства, на месца здарэння адразу была адпраўленая спецмашына. Ніхто з польскіх памежнікаў пры нападзе не пацярпеў.
Нагадаем, што праз пастаянныя спробы незаконнага перасячэння польска-беларускай мяжы і наяўнасць у Беларусі расійскіх наймітаў ПВК «Вагнер» Польшча пачала істотна павялічваць колькасць сваіх узброеных сіл побач з Беларуссю і нават прапрацоўвала план поўнага закрыцця мяжы (але цяпер сітуацыя перастала быць моцна напружанай).
У дадатак да гэтага польскія ўлады выказалі жаданне размясціць у сябе амерыканскую ядзерную зброю ў адказ на размяшчэнне такой жа ў Беларусі з боку Расіі.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА54
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары