Здароўе22

У Японіі амаль стварылі лекі, якія дазваляюць адрошчваць адсутныя зубы

Японская даследчая група дасягнула прагрэсу ў распрацоўцы наватарскіх лекаў, дзякуючы якім людзі змогуць самастойна вырошчваць новыя зубы. Такая працэдура першапачаткова будзе прызначаная для тых, у каго адсутнічае поўны набор дарослых зубоў з-за прыроджаных фактараў.

Фота: Andriy Onufriyenko / Getty Images

Па інфармацыі японскага выдання The Mainichi, першыя ў свеце лекі для самастойнай рэгенерацыі зубоў вельмі хутка пачнуць тэставаць на людзях. На гэты момант ашаламляльны поспех быў дасягнуты толькі на мышах.

Яшчэ ў 2005 годзе японскія навукоўцы выявілі ў мышэй ген, які вырабляе бялок USAG-1, што перашкаджае росту зубоў. Даследчыкі адразу ж пачалі актыўна шукаць спосаб, як заблакаваць дзеянне гэтага бялку. Так, навукоўцы на чале з Кацу Такахашы, вядучым даследчыкам Медыцынскага даследчага інстытута Кітана ў горадзе Осака, заявілі, што здолелі распрацаваць антыцелы супраць USAG-1.

Спачатку эксперыменты праводзіліся на мышах з прыроджанымі зубнымі хваробамі, і гэта дало велізарны вынік — адсутныя зубы ў іх сапраўды цалкам адраслі. Пазней эксперымент правялі паўторна яшчэ і на тых мышах, у якіх з зубамі праблем не было, аднак у гэтых грызуноў па выніку зубы прараслі паміж тымі, якія ўжо існавалі. 

«Ідэя вырошчваць новыя зубы проста ў сківіцы — гэта мара кожнага стаматолага. Я працаваў над гэтым з таго часу, як быў аспірантам. Я быў упэўнены, што змагу гэта ажыццявіць і дасягнуў значных поспехаў. Гэты прэпарат цалкам зменіць правілы гульні ў стаматалогіі», — адзначыў Кацу Такахашы.

І хоць пакуль што эксперыменты праводзяцца толькі на жывёлах, але ў ліпені 2024 года прэпарат плануюць выкарыстоўваць ужо на людзях. Зрабіць цуда-прэпарат цалкам прыдатным для лячэння каманда навукоўцаў плануе ў 2030 годзе. Спачатку навукоўцы хочуць пераканацца, ці няма якіх-небудзь пабочных эфектаў.

Спачатку плануецца ўжываць новую тэхналогію на дзецях ад 2 да 6 гадоў, у якіх па розных прычынах не растуць зубы. Пазней магчымасць вырасціць новыя зубы з’явіцца і ў дарослых, таму ім можна будзе абіраць паміж прыёмам лекаў для іх рэгенерацыі ці простым устаўляннем пратэзаў. 

Каментары2

  • Казік
    11.07.2023
    Хм, а можна адрасціць зубы там, дзе іх звычайна няма?
  • Беззубый
    12.07.2023
    Я почти рад.

Цяпер чытаюць

«Кіберпартызаны» заявілі, што здабылі базу даных даносчыкаў КДБ28

«Кіберпартызаны» заявілі, што здабылі базу даных даносчыкаў КДБ

Усе навіны →
Усе навіны

На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію28

Працаваць у Расіі ці Еўропе? Параўноўваюць дальнабоі 10

ДАІ зацікавілася групай дзяўчат, якія сфатаграфаваліся на пешаходным пераходзе3

Школьнікаў, якія «праводзілі эксперымент» з порахам ад петардаў, даставілі ў бальніцу3

На Камароўскім рынку адкрылася новае месца з фастфудам: прапануюць бульбу па-бельгійску

Былы дыпламат і былы дэпутат Савіных пайшоў у бізнэс7

Дзед вядомага шпіёна Яна Марсалека таксама быў шпіёнам 

Два чалавекі загінулі ў ДТЗ у Крычаўскім раёне1

Мінск увайшоў у топ самых папулярных гарадоў для паездак расіян на лістападаўскія выхадныя3

больш чытаных навін
больш лайканых навін

«Кіберпартызаны» заявілі, што здабылі базу даных даносчыкаў КДБ28

«Кіберпартызаны» заявілі, што здабылі базу даных даносчыкаў КДБ

Галоўнае
Усе навіны →

Заўвага:

 

 

 

 

Закрыць Паведаміць