Здароўе33

Штучны інтэлект дапамог навукоўцам стварыць новы антыбіётык супраць вельмі небяспечнай супербактэрыі

«ШІ за паўтары гадзіны зрабіў тое, на што звычайна сыходзяць месяцы і нават гады».

Ілюстрацыйная выява. Фота: pixabay

Дзякуючы штучнаму інтэлекту (ШІ) навукоўцы змаглі стварыць антыбіётык супраць вельмі небяспечнай супербактэрыі Acinetobacter baumannii, якая часта прыводзіць да смерці. Пра гэта даследчыкі напісалі ў навуковай працы, 25 мая апублікаванай у часопісе Nature.

Acinetobacter baumannii — гэта асаблівы штам супербактэрый, які ўстойлівы да мноства антыбіётыкаў і можа працяглы час захоўвацца на розных паверхнях, у тым ліку на медыцынскім абсталяванні. Гэтая бактэрыя выклікае інфекцыю крыві, лёгкіх і мочавыдзяляльных шляхоў і прыводзіць да велізарнай колькасці смяротных зыходаў сярод людзей.

Таму каманда навукоўцаў з Масачусецкага тэхналагічнага ўніверсітэта ЗША і канадскага Мак-Мастэрскага ўніверсітэта вырашыла стварыць моцны антыбіётык супраць гэтай супербактэрыі, выкарыстаўшы штучны інтэлект пры распрацоўцы новага прэпарату.

ШІ са сваёй задачай справіўся цудоўна.

«У рамках даследавання мы падрыхтавалі для аналізу 6680 хімічных злучэнняў, сярод якіх трэба было знайсці тыя, што змогуць спыніць рост супербактэрыі Acinetobacter baumannii і пры гэтым не закрануць карысных бактэрый. Для гэтай задачы мы выкарысталі штучны інтэлект, і ён за паўтары гадзіны змог скараціць прапанаваны спіс да 240 злучэнняў, з якіх мы потым вылучылі дзевяць найлепшых кандыдатаў, а затым увогуле вызначылі адзін варыянт, які адпавядаў усім патрабаванням і атрымаў назву «Абаўцын». Гэтае рэчыва і лягло ў аснову новага антыбіётыка», — паведамілі даследчыкі ў сваёй працы.

Па словах навукоўцаў, звычайна на пошук неабходнага рэчыва яны выдаткоўваюць ад некалькіх месяцаў да некалькіх гадоў, таму сёння роля ШІ ў гэтым працэсе вельмі значная і амаль незаменная.

«Абаўцын», у сваю чаргу, стаў выдатным інструментам супраць Acinetobacter baumannii, які пры гэтым не будзе шкодзіць карысным бактэрыям у арганізме чалавека.

Навукоўцы плануюць выпрабаваць гэтае рэчыва на пацыентах і затым выпусціць на рынак новы антыбіётык. Акрамя таго, даследчыкі хочуць працягнуць выкарыстоўваць штучны інтэлект для знаходжання лекаў супраць іншых устойлівых і небяспечных супербактэрый.

Каментары3

  • Казік
    28.05.2023
    Уяўляю, каб 80-90х таксама на кожны чых пісалі, што "распрацаваць новы рухавік дапамог кампутар". "намаляваць мульцік дапамог кампутар". А ў 30х "успахаць поле дапамог трактар"
  • Эннот
    28.05.2023
    Казік, толькі я не сумняваюся,што самы прасунуты Штучны Інтэлект будзе працаваць на ваенныя мэты і вынаходства новых шляхоў знішчэння чалавека
  • Казік
    29.05.2023
    Эннот, штучны інтэлект гэта інструмент. І, вядома, ён будзе выкарыстоўвацца ў распрацоўцы зброі, бо людзі ўсё спрабуюць прыстасаваць да распрацоўкі зброі.

Цяпер чытаюць

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Усе навіны →
Усе навіны

Паліна з Салігорска набрала 400 балаў на экзаменах. Вось куды яна будзе паступаць7

У Кіраўску брат забіў сястру, хочучы абараніць яе ад мужчын са сваіх галюцынацый

На Заслаўскім замку спрабуюць раскрыць таямніцу падземнага ходу2

Іран прыпыніў здабычу газу на найбуйнейшым у свеце радовішчы

Пасля разносу Лукашэнкі «Беларусьфільм» бярэцца ствараць «лінейку сваіх серыялаў»4

«Гэта не самы прывабны варыянт». Што думаюць беларусы пра ўвядзенне Грузіяй трохгадовага ДНЖ для айцішнікаў3

Трамп не збіраецца падпісваць заяву G7 па пытанні ізраільска-іранскага канфлікту

Чаму расіяне аддалі ўкраінцам целы забітых, а тыя — не?8

Колькасць вакансій у Беларусі ў 54 разы большая, чым зарэгістраваных беспрацоўных1

больш чытаных навін
больш лайканых навін

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Галоўнае
Усе навіны →

Заўвага:

 

 

 

 

Закрыць Паведаміць