Прэзідэнт Францыі Эманюэль Макрон на саміце Рады Еўропы ў Рэйк'явіку абвясціў аб стварэнні Міжнароднага «рэестра шкоды», нанесенай Украіне з пачатку поўнамаштабнага ўварвання Расіі, паведамляе «Еўрапейская праўда».
Разбураны гандлёвы цэнтр у Мікалаеве. Украінцы спадзяюцца, што расіяне кампенсуюць усю нанесеную шкоду. Фота: «Суспільне»
У рэестр будуць уносіць інфармацыю пра шкоду і патрабаванні аб кампенсацыі. Спіс будзе даступны фізічным і юрыдычным асобам, а таксама ўкраінскім уладам.
У Міністэрстве юстыцыі Украіны раней тлумачылі, што рэестр стане неад'емным складнікам механізму кампенсацыі ўрону, прычыненага агрэсіяй РФ на тэрыторыі Украіны.
Макрон заклікаў усе дзяржавы актыўна ўдзельнічаць у распрацоўцы рэестра.
Ён таксама заклікаў Раду Еўропы дапамагчы ў стварэнні ста псіхалагічных цэнтраў дапамогі ахвярам расійскай агрэсіі.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»11
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары