У Нідэрландах затрымалі кіроўцу з падробленымі ўкраінскімі правамі на імя Борыса Джонсана
У нідэрландскім горадзе Гронінгене паліцыя арыштавала мужчыну, які ехаў па горадзе ў стане алкагольнага ап'янення. Калі ён быў арыштаваны, паліцыя знайшла правы кіроўцы на імя Борыса Джонсана, піша nos.nl.
Фота: інстаграм паліцыі
Акрамя імені, фатаграфія, дата і месца нараджэння таксама адпавядаюць даным былога прэм'ер-міністра Вялікабрытаніі. Тэрмін дзеяння дакумента таксама выклікаў пытанні: правы кіроўцы былі сапраўдныя да 3000 года.
Паліцыя канфіскавала падробленыя правы кіроўцы, паведамляе мясцовы тэлеканал OOG TV.
Правы кіроўцы падобныя на ўкраінскія, але невядома, ці мае кіроўца, які выдае сябе за Джонсана, украінскае грамадзянства.
У твітары пішуць, што ва ўкраінскіх турыстычных крамах прадаюцца варыянты вадзіцельскіх пасведчанняў вядомых асоб.
Лукашэнка знайшоў незвычайныя словы для спачування Хаменеі: «вераломная атака»27
Каментары