Гомельская епархія выкупіла на аўкцыёне дакумент па гісторыі Гомеля XVII стагоддзя
Гомельская праваслаўная епархія ў студзені гэтага года набыла на замежным аўкцыёне каштоўны царкоўны дакумент XVII стагоддзя — пастаўную грамату, паведаміла БелТА. Цяпер рэліквія вернута ў Беларусь, сёння адбылася яе афіцыйная прэзентацыя.
Набыты дакумент датаваны 19 верасня 1681 года — гэта час, калі Беларуская (Магілёўская) епархія падпарадкоўвалася Кіеўскай мітраполіі (да 1685 года).
«Ліст намесніка беларускай біскупіі. XVII—XVIII стст. Гомель. Магілёў». — так дакумент быў падпісаны на сайце расійскага аўкцыёну meshok.net.
Як аказалася, гэта пастаўная грамата намесніка Беларускай (Магілёўскай) праваслаўнай епархіі іераманаха Сільвестра Ваўчанскага іерэю Іларыёну Раблеўскаму на месца вікарнага святара пры царкве Раства Багародзіцы ў мястэчку Гомель Рэчыцкага павета Вялікага Княства Літоўскага.
Гэта дакумент выключнай гістарычнай важнасці, які ў свой час быў вывезены за межы Беларусі.
«Ён нам расказвае пра парафіяльнае жыццё ў XVII стагоддзі, пра храм, які не захаваўся да нашых дзён. Гэты храм знаходзіўся на тэрыторыі паркавай зоны. На тым месцы сёння стаіць Хрысцільны храм у гонар Іаана Хрысціцеля. Падчас раскопак там былі знойдзеныя рэшткі падмурка і абгарэлых бярвенняў ад гэтага драўлянага храма Нараджэння Божай Маці», — падкрэсліў на прэзентацыі дакумента гомельскі епіскап Стэфан.
Сёння дакумент прэзентаваны ў прысутнасці студэнтаў гістарычнага факультэта ГДУ імя Скарыны. Арыгінал дакумента будзе захоўвацца ў фондах Гомельскай епархіі.
-
Пяць метраў асманскай вязі. У Варшаве паказалі ўнікальны мірны трактат, за які сваім жыццём заплаціў найвялікшы вайскавод ВКЛ Ян Караль Хадкевіч
-
Як камуністы цалкам знішчылі 700‑гадовы горад Мост дзеля вугалю. Гістарычныя кварталы прадавалі Галівуду пад здымкі рэальных выбухаў
-
Тураўскія каменныя крыжы, якія нібыта прыплылі з Кіева, мабыць, паставілі пры Канстанціне Астрожскім
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы14
Каментары