Homielskaja jeparchija vykupiła na aŭkcyjonie dakumient pa historyi Homiela XVII stahodździa
Homielskaja pravasłaŭnaja jeparchija ŭ studzieni hetaha hoda nabyła na zamiežnym aŭkcyjonie kaštoŭny carkoŭny dakumient XVII stahodździa — pastaŭnuju hramatu, paviedamiła BiełTA. Ciapier relikvija viernuta ŭ Biełaruś, siońnia adbyłasia jaje aficyjnaja prezientacyja.
Nabyty dakumient datavany 19 vieraśnia 1681 hoda — heta čas, kali Biełaruskaja (Mahiloŭskaja) jeparchija padparadkoŭvałasia Kijeŭskaj mitrapolii (da 1685 hoda).
«List namieśnika biełaruskaj biskupii. XVII—XVIII stst. Homiel. Mahiloŭ». — tak dakumient byŭ padpisany na sajcie rasijskaha aŭkcyjonu meshok.net.
Jak akazałasia, heta pastaŭnaja hramata namieśnika Biełaruskaj (Mahiloŭskaj) pravasłaŭnaj jeparchii ijeramanacha Silviestra Vaŭčanskaha ijereju Iłaryjonu Rableŭskamu na miesca vikarnaha śviatara pry carkvie Rastva Baharodzicy ŭ miastečku Homiel Rečyckaha pavieta Vialikaha Kniastva Litoŭskaha.
Heta dakumient vyklučnaj histaryčnaj važnaści, jaki ŭ svoj čas byŭ vyviezieny za miežy Biełarusi.
«Jon nam raskazvaje pra parafijalnaje žyćcio ŭ XVII stahodździ, pra chram, jaki nie zachavaŭsia da našych dzion. Hety chram znachodziŭsia na terytoryi parkavaj zony. Na tym miescy siońnia staić Chryścilny chram u honar Iaana Chryściciela. Padčas raskopak tam byli znojdzienyja reštki padmurka i abharełych biarvieńniaŭ ad hetaha draŭlanaha chrama Naradžeńnia Božaj Maci», — padkreśliŭ na prezientacyi dakumienta homielski jepiskap Stefan.
Siońnia dakumient prezientavany ŭ prysutnaści studentaŭ histaryčnaha fakulteta HDU imia Skaryny. Aryhinał dakumienta budzie zachoŭvacca ŭ fondach Homielskaj jeparchii.
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary