Навука і тэхналогіі33

У Саудаўскай Аравіі з'явіцца высокатэхналагічны хмарачос у форме куба 

Ён стане «адным з найбуйнейшых збудаванняў у свеце».

Фота: Public Investment Fund of Saudi Arabia

У Саудаўскай Аравіі пабудуюць новы высокатэхналагічны раён з гіганцкім кубічным хмарачосам. Пра гэта 16 студзеня паведаміў Суверэнны фонд Саудаўскай Аравіі — адзін з найбуйнейшых фондаў у свеце з агульным капіталам у 620 млрд даляраў (звыш 1,5 трыльёна беларускіх рублёў).

Раён New Murabba плошчай 19 квадратных кіламетраў будзе пабудаваны на паўночным захадзе Эр-Рыяда. У цэнтры новага раёна будзе ўзведзены гіганцкі куб Mukaab памерам 400×400×400 метраў, у якім будзе знаходзіцца спіралепадобная высокая вежа і масіўныя галаграфічныя экраны з функцыяй імітацыі розных відаў асяроддзя і неба.

Па задумцы аўтараў, New Murabba стане «новым тварам Эр-Рыяда і брамай у іншы свет», а Mukaab — «адным з найбуйнейшых створаных збудаванняў у свеце».

«Праект New Murabba будзе ўключаць больш за 100 тысяч кватэр і 9 тысяч гасцінічных нумароў, а таксама больш за 980 тысяч квадратных метраў розных крам і амаль паўтара мільёна квадратных метраў офісных памяшканняў. Туды ж увойдуць 80 забаўляльных і культурных пляцовак, універсітэт тэхналогій і дызайну, шматфункцыянальны імерсіўны тэатр і музей», — паведаміў Суверэнны фонд Саудаўскай Аравіі.

Таксама ён распавёў падрабязнасці пра новы хмарачос Mukaab, які, па словах архітэктараў, «зможа размясціць у сабе 20 будынкаў памеру Эмпайр-стэйт-білдынг».

«Mukaab будзе пабудаваны ў сучасным архітэктурным стылі і заключаны ў кубічны фасад, што дазволіць максімальна задзейнічаць вольную прастору для размяшчэння віртуальных і галаграфічных тэхналогій. Сама плошча куба будзе дасягаць 2 мільёнаў квадратных метраў і ў ім размесцяцца мноства крам, культурных і турыстычных месцаў, а таксама амаль ва ўсю вышыню атрыум, у якім будзе знаходзіцца спіралепадобная вежа», — падкрэслілі ў Суверэнным фондзе.

Відэа: Public Investment Fund of Saudi Arabia

Сам кошт будаўніцтва пакуль невядомы, але канчатковы тэрмін яго рэалізацыі датуецца 2030-м годам. Таксама вядома, што планы па стварэнні New Murabba і Mukaab уключаны ў больш глабальны праект Саудаўскай Аравіі пад назвай Saudi Vision 2030.

У рамках гэтага праекта ўрад краіны таксама плануе ўзвесці з нуля высокатэхналагічны «горад будучыні» Неом, коштам звыш 500 млрд даляраў (амаль 1,4 трлн бел. руб.), пра што мы ўжо пісалі раней. 

Чытайце яшчэ:

Глядзіце, якую праваслаўную царкву збудавалі на месцы тэракта 11 верасня ў Нью-Ëрку ФОТЫ 

«Як табе такое, Ілан Маск?»: у сістэмы Starlink хутка з'явіцца новы канкурэнт 

Робаты-дастаўшчыкі ежы з'явіліся на вуліцах Дубая

Каментары3

  • Эюя
    20.02.2023
    А ў нас збудуюць шэрыя мурашнікі на Арлоўскай. Ну і Наша Ніва возьме інтэрв‘ю у якога-небудзь дзівака, каторы распавядзе, што аднавіць стары горад у Менску немагчыма, бо дорага пераносіць развязку і Белпромпраект.
  • Футурыст
    20.02.2023
    Вось так мудрыя людзі выкарыстоўваюць даляры ад продажы нафты. Не крадуць іх, а будуюць будучыню для новых пакаленняў. І з такімі людзьмі хочацца сябраваць, жыць побач ну і т.д. Кароч, у беларусаў такіх суседзяў няма, на жаль.
  • Снид
    21.02.2023
    Футурыст, я б не хацеў сабе будучыню ў форме куба xD

Цяпер чытаюць

Украінцы падарвалі апору Крымскага моста. Але той устаяў

Украінцы падарвалі апору Крымскага моста. Але той устаяў

Усе навіны →
Усе навіны

У Асіповіцкім раёне прызналі «дармаедамі» людзей з псіхічнымі захворваннямі1

Фэйсбук-старонку Лявона Вольскага прызналі «экстрэмісцкай»2

$5000 за метр. У Мінску з'явіўся прэміяльны дом, які па цане пераплюне нават Depo5

Што IT-бізнэс думае пра Ганну Рабаву, новую кіраўніцу Парка высокіх тэхналогій?8

Расія прапанавала прыпыніць агонь на асобных участках фронту на 2—3 дні8

Прапагандыст Салаўёў заклікаў расстраляць салдата, які запосціў відэа пра атаку дронаў20

У Стамбуле дамовіліся толькі пра новы абмен палоннымі

У Мінску знайшлі беларускія клубніцы па 10 рублёў за кілаграм

Мікалай Шарснёў перастае кіраваць беларускім футболам2

больш чытаных навін
больш лайканых навін

Украінцы падарвалі апору Крымскага моста. Але той устаяў

Украінцы падарвалі апору Крымскага моста. Але той устаяў

Галоўнае
Усе навіны →

Заўвага:

 

 

 

 

Закрыць Паведаміць