Велічыня тарыфаў на ацяпленне, як правіла, змяняецца ў Беларусі двойчы на год: з 1 студзеня і з 1 ліпеня, і да канца гэтага года тарыфы не павысяць.
Пра гэта ў эфіры тэлеканала «Беларусь 1» расказаў першы намеснік міністра жыллёва-камунальнай гаспадаркі Генадзь Трубіла.
Па словах прадстаўніка профільнага ведамства, дыяпазон дапушчальнай тэмпературы ў жылых памяшканнях у адпаведнасці з санітарнымі нормамі і правіламі складае ад +18°C да +24°C, і такія нормы будуць дзейнічаць у далейшым. Кошт паліва для кацельняў застаўся на ранейшым узроўні, таму і павышэння тарыфаў на ацяпленне не прадугледжана. Акрамя таго, у ведамстве запэўнілі, што робяць усё неабходнае для эканоміі рэсурсаў.
Колькі рэальна каштуе ацяпленне
— За 1 Гкал мы плацім паводле тарыфу 21,75 рубля — гэта агульны тарыф на сённяшні дзень. Сабекошт гэтай Гкал каля 118 рублёў, астатняе даплачвае дзяржава, — растлумачыў Г. Трубіла. — Працэнт кампенсацыі (выдаткаў на ацяпленне насельніцтвам) у сярэднім па краіне каля 20 %. Нашы грамадзяне плацяць 21 рубель за 1 Гкал. Частка нашых грамадзян плаціць паводле эканамічна абгрунтаваных тарыфаў — 118,95 рубля. Гэта грамадзяне, у якіх маецца ва ўласнасці некалькі жылых памяшканняў, дзе зарэгістраваныя прадпрыемствы, юрыдычная асоба. Гэта грамадзяне, якія не занятыя ў эканоміцы.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары