Vieličynia taryfaŭ na aciapleńnie, jak praviła, źmianiajecca ŭ Biełarusi dvojčy na hod: z 1 studzienia i z 1 lipienia, i da kanca hetaha hoda taryfy nie pavysiać.
Pra heta ŭ efiry telekanała «Biełaruś 1» raskazaŭ pieršy namieśnik ministra žyllova-kamunalnaj haspadarki Hienadź Trubiła.
Pa słovach pradstaŭnika profilnaha viedamstva, dyjapazon dapuščalnaj tempieratury ŭ žyłych pamiaškańniach u adpaviednaści z sanitarnymi normami i praviłami składaje ad +18°C da +24°C, i takija normy buduć dziejničać u dalejšym. Košt paliva dla kacielniaŭ zastaŭsia na raniejšym uzroŭni, tamu i pavyšeńnia taryfaŭ na aciapleńnie nie praduhledžana. Akramia taho, u viedamstvie zapeŭnili, što robiać usio nieabchodnaje dla ekanomii resursaŭ.
Kolki realna kaštuje aciapleńnie
— Za 1 Hkał my płacim pavodle taryfu 21,75 rubla — heta ahulny taryf na siońniašni dzień. Sabiekošt hetaj Hkał kala 118 rubloŭ, astatniaje dapłačvaje dziaržava, — rastłumačyŭ H. Trubiła. — Pracent kampiensacyi (vydatkaŭ na aciapleńnie nasielnictvam) u siarednim pa krainie kala 20 %. Našy hramadzianie płaciać 21 rubiel za 1 Hkał. Častka našych hramadzian płacić pavodle ekanamična abhruntavanych taryfaŭ — 118,95 rubla. Heta hramadzianie, u jakich majecca va ŭłasnaści niekalki žyłych pamiaškańniaŭ, dzie zarehistravanyja pradpryjemstvy, jurydyčnaja asoba. Heta hramadzianie, jakija nie zaniatyja ŭ ekanomicy.
Ciapier čytajuć
«Čakaju tavar užo 13 dzion». Što pišuć klijenty ab prablemach Wildberries6
Kamientary