На гродзенскім мясакамбінаце зрабілі партыю прадукцыі з мяса зубра
Аўтар блога пра ежу і ўстановы харчавання Беларусі KoKo.by днямі заўважыў у продажы ў беларускай краме мясныя вырабы з чырвонакніжнага зубра.
Экзатычны прадукт блогер пабачыў у краме «Еўраопт Палаца». Вырабляе яго Гродзенскі мясакамбінат, у продажы прадстаўленыя сервелат па 84 рублі за кілаграм і пастрама па-белавежску за 125 рублёў.
Пры гэтым аўтар прыгадаў гісторыю пра тое, што ў студзені 2022 года Мінпрыроды паведаміла пра тое, што ў Свіслацкім раёне 21 зубр праваліўся пад лёд і загінуў, спрабуючы перайсці вадаём, і дапускае, што гэта можа неяк быць звязана.
Для цікавасці блогер нават набыў гэтую рэдкую пастраму, якая складаецца з зубраціны на 100%, заплаціўшы за 212 г 26,50 рублёў. І пасля дэгустацыі робіць выснову:
«Смачна, але сумна, інакш не скажаш. Мяса сухое, амаль без жылаў, солі можна было б і менш, мяккае, але не для старэчых пратэзаў. Пахне, як ялавічына, выглядае, як ялавічына, на смак таксама як ялавічына. Навошта пераплачваць?!»
Інтэрнэт-сайту «Анлайнер» сітуацыю крыху патлумачылі ў Дзяржаўнай інспекцыі аховы жывёльнага свету. Там сказалі, што мяса, з якога зробленыя вырабы, хутчэй за ўсё, з рэзервовага генафонду зубра, да якога адносяцца траўмаваныя і старыя жывёліны, якія не ўдзельнічаюць у размнажэнні і не ўяўляюць каштоўнасці для захавання віду. Прамысловай вытворчасці прадуктаў з зубраціны ў Беларусі няма, а таму гаворка, цалкам магчыма, вядзецца пра нейкую лімітаваную партыю мясных вырабаў.
-
Бабарыка: Да свайго вызвалення я ўвогуле не бачыў Івана Краўцова. Не ведаю, што ён рабіў
-
Вызваліўся адзін з пачынальнікаў беларускамоўнага ЖЖ Іван Марозаў — гэта быў яго другі палітычны тэрмін
-
Рэкорднымі тэмпамі ідзе збор на ўкол для Ксюшы з магілёўскага дзетдома, ад якой адмовілася мама — яшчэ плюс $190 тысяч за дзень
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?35
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары