Што такое ОРДЛО і ў чым розніца паміж БТГр і БТР? Гайд па тэрмінах і абрэвіятурах вайны ва Украіне
Тлумачальны слоўнік сённяшняга трагічнага часу.
НАТА/NATO /Паўночнаатлантычны альянс — ваенна-палітычны блок заходніх краін, куды ўваходзяць ЗША, Канада і большасць краін Еўропы.
ОП — Офіс прэзідэнта Украіны.
ВР — Вярхоўная Рада Украіны.
МО (укр, рус) — Міністэрства абароны.
ВМС — Ваенна-марскія сілы.
ООС (укр, рус) — Аперацыя аб'яднаных сіл, комплекс ваенных і спецыяльных арганізацыйна-прававых мерапрыемстваў украінскіх сілавых структур, накіраваных на процідзеянне дзейнасці расійскіх і прарасійскіх узброеных фармаванняў у ходзе вайны на тэрыторыі Луганскай і Данецкай абласцей.
ДНР і ЛНР — «Данецкая народная рэспубліка» і «Луганская народная рэспубліка», назвы самаабвешчаных рэспублік на тэрыторыях Данецкай і Луганскай абласцей.
АТО (укр, рус) — Антытэрарыстычная аперацыя, так украінскія ўлады пэўны час называлі вайну на Данбасе. Тэрыторыі самаабвешчаных ДНР і ЛНР часта называлі «зонай АТО».
«Азов» (укр, рус) — таксама «полк «Азов» альбо «окремий загін спеціального призначення «Азов». Асобны атрад спецыяльнага прызначэння, створаны ў 2014 годзе ў Марыупалі.
У «Азоў» сапраўды ўваходзілі члены ультраправых арганізацый, праз гэта расійская прапаганда пастаянна называе ўсіх байцоў палка неанацыстамі.
ССО (укр, рус) — Сілы спецыяльных аперацый.
ОВА (укр, рус) — абласная ваенная адміністрацыя
КМДА(укр)/ КГДА (бел)/ КГГА (рус) — Кіеўская гарадская дзяржаўная адміністрацыя.
ОГП — Офіс генеральнага пракурора Украіны.
ДБР (укр)/ ГБР (рус) — Дзяржаўнае бюро раследаванняў Украіны, аналаг беларускага Следчага камітэта.
ГТС (укр, рус) — газатранспартная сістэма Украіны. Складаецца з газаправодаў, размеркавальных сетак, газасховішчаў, кампрэсійных і газавымяральных станцый.
«Дія» (укр) — украінскі электронны сервіс і мабільная праграма для карыстання дзяржпаслугамі.
Расгвардыя — расійскі аналаг украінскай Нацгвардыі. Да вайны шырока выкарыстоўвалася расійскай уладай для разгону мітынгаў.
ДРГ (укр, рус) — дыверсійна-разведвальная група. Звычайна невялікае падраздзяленне спецыяльнага прызначэння, якое выкарыстоўваецца для разведкі і дыверсій у тыле праціўніка.
ДШВ і ДШБ (рус) — дэсантна-штурмавыя войскі. ДШБ — дэсантна-штурмавая брыгада, падраздзяленне паветрана-дэсантных войскаў, якое спецыялізуецца на штурмавых захопах.
ББМ — баявая браніраваная машына.
БМП — баявая машына пехоты, прызначаная для перавозкі дэсанта і агнявой падтрымкі яго ў баі.
БТР — бронетранспарцёр, баявая машына, прызначаная для транспарціроўкі пехоты. Мае слабейшае ўзбраенне ў параўнанні з БМП.
МТЛБ (рус) — шматмэтавы плаваючы бронетранспарцёр. Можа перавозіць людзей і грузы, выкарыстоўвацца ў ролі артылерыйскага цягача.
ППО (укр)/ ПВО (рус) — супрацьпаветраная абарона (СПА).
БпЛА (укр, рус) — беспілотныя апараты, альбо дроны. Легендарныя «Байрактары» ў тым ліку.
ПТРК (укр, рус) — супрацьтанкавы ракетны комплекс (СТРК).
Ка-52 — баявы верталёт расійскай вытворчасці.
Ан-225 «Мрія» — самы вялікі ў свеце транспартны самалёт.
Знаходзіўся ва Украіне, быў знішчаны 25 лютага 2022 года падчас бамбардзіроўкі расіянамі аэрапорта «Антонаў» у Гастомелі.
Т-72, Т-80 — назвы мадэляў танкаў.
Ракета тыпу «Х» — авіяцыйная ракета малой далёкасці, запускаецца з самалёта па наземных аб’ектах.
«Точка-У» — баявы ракетны комплекс, часта так называюць толькі саму кіраваную ракету.
NLAW — пераносная супрацьтанкавая кіраваная ракета шведска-брытанскай вытворчасці.
«Stinger»/«Стынгер» — амерыканскі пераносны супрацьракетны комплекс.
М-72 — супрацьтанкавы гранатамёт.
«Ураган», «Смерч» — аналагі «Града», але з большым калібрам і больш шырокім спектрам боепрыпасаў.
«Панцыр-С1» — расійскі самаходны зенітны ракетна-гарматны комплекс.
«Панцыр-С1», захоплены ва Украіне. Фота: камандаванне сіл спецыяльных аперацый УС Украіны
«Кінжал» — расійскі гіпергукавы авіяцыйны ракетны комплекс. З'яўляецца авіяцыйным варыянтам комплексу «Іскандэр».
«Бастыён» — расійскі берагавы ракетны комплекс, у асноўным выкарыстоўваецца для паражэння надводных караблёў.
С-300 — зенітна-ракетны комплекс, распрацаваны яшчэ ў СССР. Асноўнае прызначэнне — супрацьпаветраная абарона.
Тэрмабарычныя боегалоўкі выбухаюць у два этапы. Спачатку выкідваецца запаленчая сумесь у форме аэразолю, затым выбухае іншая частка, якая падрывае распылены вакол аэразоль. З-за такога дзеяння тэрмабарычныя боепрыпасы валодаюць значна больш магутнай сілай паражэння і выбухной хваляй.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары