«Ідзём з бязрадасным тварам, як у Набіулінай». Нацбанк заўтра збірае кіраўніцтва ўсіх банкаў на сустрэчу
Пра гэта «Нашай Ніве» расказалі крыніцы ў банкаўскай галіне. Па іх словах, на павестцы «пытанні аб бягучай сітуацыі ў грашова-крэдытнай сферы».
Па інфармацыі нашых крыніц, на нарадзе будуць абмяркоўваць пытанні продажу валюты, адтоку дэпазітаў, умовы працягу крэдытавання дзяржаўных і недзяржаўных прадпрыемстваў і падтрымкі банкаў у гэтых умовах.
«Каб зразумець настрой, з якім усе збіраюцца на нараду, можна глянуць на твар Набіулінай [старшыня расійскага Цэнтрабанка] — ва ўсіх нашых твары такія ж самыя», — эмацыйна сказаў прадстаўнік аднаго з банкаў у размове з «Нашай Нівай».
Нагадаем, з-за таго, што з беларускай тэрыторыі на Украіну ідуць расійскія войскі і запускаюцца ракеты, Беларусь таксама трапляе пад санкцыі. Так, многія сусветныя банкі і плацёжныя сістэмы адмаўляюцца рабіць пераводы ў Расію і Беларусь, закрываюць рахункі расіянам і беларусам.
Следам за Расіяй у Беларусі рэзка ўзляцеў курс даляра, а таксама Нацбанку прыйшлося павысіць стаўку рэфінансавання пасля таго, як расійскі Цэнтрабанк павысіў сваю ключавую стаўку больш, чым у два разы. Многія банкі прыпынілі крэдытаванне жылля, а некаторыя абмежавалі выдачу наяўнай валюты.
Між тым, Еўрапейскія краіны ўсур'ёз абмярковаюць адключэнне Расіі ад SWIFT.
-
«Праваслаўныя цэрквы ў Заходняй Беларусі закрываліся». А колькі ж было цэркваў у БССР і колькі — у Заходняй Беларусі па стане на 1939 год?
-
Затрымалі мужчын, якія паілі колай аленя ў Мінскім заапарку
-
«Паставілі перад фактам: альбо плацім, альбо застаемся». Група турыстаў з-за закрытай мяжы мела праблемы з вяртаннем дамоў
Цяпер чытаюць
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары