«Idziom ź biazradasnym tvaram, jak u Nabiulinaj». Nacbank zaŭtra źbiraje kiraŭnictva ŭsich bankaŭ na sustreču
Pra heta «Našaj Nivie» raskazali krynicy ŭ bankaŭskaj halinie. Pa ich słovach, na paviestcy «pytańni ab biahučaj situacyi ŭ hrašova-kredytnaj śfiery».
Pa infarmacyi našych krynic, na naradzie buduć abmiarkoŭvać pytańni prodažu valuty, adtoku depazitaŭ, umovy praciahu kredytavańnia dziaržaŭnych i niedziaržaŭnych pradpryjemstvaŭ i padtrymki bankaŭ u hetych umovach.
«Kab zrazumieć nastroj, ź jakim usie źbirajucca na naradu, možna hlanuć na tvar Nabiulinaj [staršynia rasijskaha Centrabanka] — va ŭsich našych tvary takija ž samyja», — emacyjna skazaŭ pradstaŭnik adnaho z bankaŭ u razmovie z «Našaj Nivaj».
Nahadajem, z-za taho, što ź biełaruskaj terytoryi na Ukrainu iduć rasijskija vojski i zapuskajucca rakiety, Biełaruś taksama traplaje pad sankcyi. Tak, mnohija suśvietnyja banki i płaciožnyja sistemy admaŭlajucca rabić pieravody ŭ Rasiju i Biełaruś, zakryvajuć rachunki rasijanam i biełarusam.
Śledam za Rasijaj u Biełarusi rezka ŭźlacieŭ kurs dalara, a taksama Nacbanku pryjšłosia pavysić staŭku refinansavańnia paśla taho, jak rasijski Centrabank pavysiŭ svaju klučavuju staŭku bolš, čym u dva razy. Mnohija banki prypynili kredytavańnie žylla, a niekatoryja abmiežavali vydaču najaŭnaj valuty.
Miž tym, Jeŭrapiejskija krainy ŭsurjoz abmiarkovajuć adklučeńnie Rasii ad SWIFT.
-
Łukašenka zapatrabavaŭ ad ministra abarony vyznačyć umacavanyja rajony, jakija buduć zaniatyja na praciahu sutak
-
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu
-
U Izraili, imavierna, zatrymali vykładčyka duchoŭnaha vučylišča, jaki žanaty z maładziejšaj za jaho na 30 hod studentkaj
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu7
Kamientary