«Рэпутацыі дзяржавы нанесеная шкода», — прэзідэнт Літвы пра сітуацыю з транзітам беларускага калію
Прэзідэнт Літвы Гітанас Наўседа кажа, што пасля заяў міністраў транспарту і замежных спраў аб іх гатоўнасці падаць у адстаўку нельга чакаць, пакуль гэтыя рашэнні атрымаюць ацэнку прэм'ера Інгрыды Шыманіце, піша Delfi.lt.
Па словах прэзідэнта, гэта адказнасць саміх міністраў. «Калі кажуць, што міністры гатовыя падаць у адстаўку, у заходняй практыцы яны гэта і робяць. Яны падаюць заяву аб сыходзе, і тады іншыя інстытуцыі прымаюць адпаведныя рашэнні. Нельга чакаць, пакуль рашэнням хтосьці дасць ацэнку. Гэта перш за ўсё адказнасць самога палітыка», — сказаў прэзідэнт журналістам у пятніцу.
Ён адзначыў, што рэпутацыі дзяржавы была нанесеная вялікая шкода, калі транзіт беларускіх угнаенняў праз Літву не спыніўся, нягледзячы на амерыканскія санкцыі для «Беларуськалія», што набылі моц 8 снежня.
«Дэкларуючы, што мы прытрымліваемся каштоўнаснай знешняй палітыкі, мы не можам выклікаць ні найменшых сумневаў у партнёраў, чаго мы насамрэч прытрымліваемся. Дэкларацыі павінны адпавядаць нашым канкрэтным дзеянням», — сказаў Наўседа.
«Тое, што было зроблена да гэтай пары, на мой погляд, не цалкам адпавядае прынцыпу палітычнай адказнасці», — дадаў ён.
Наўседа сказаў, што калі мець на ўвазе, што пра санкцыі ЗША для «Беларуськалія» было абвешчана яшчэ ў жніўні, у Літвы было дастаткова часу падрыхтавацца, узважыць усе акалічнасці, мінімізаваць страты і параіцца з саюзнікамі.
«Але ўсё гэта робіцца толькі цяпер. Пытанне, чаму. Чаму было страчана столькі часу і не зробленыя гэтыя дзеянні, якія цяпер даводзіцца рабіць паспешна», — сказаў прэзідэнт Літвы.
Ён падкрэсліў, што Літва не можа ствараць сваімі дзеяннямі ніякай двухсэнсоўнасці і павінна паступаць паслядоўна. Наўседа таксама сказаў, што на наступным тыдні плануе сустрэцца з Шыманіце.
Пасля ўступлення ў сілу ў сераду санкцый ЗША для «Беларуськалія» яго транзіт праз Літву не спыніўся. Паколькі прадпрыемства яшчэ ў лістападзе правяло авансавы плацёж Літоўскай чыгунцы за паслугі, гэтых сродкаў можа хапіць для перавозак у снежні, студзені і лютым.
Міністр транспарту Марыюс Скуодзіс і міністр замежных спраў Габрыэлюс Ландсбергіс у чацвер сказалі, што прымаюць на сябе адказнасць за сітуацыю і гатовыя падаць у адстаўку. Прэм'ер паабяцала на пачатку наступнага тыдня абвясціць рашэнне па міністрах.
«Нанесеная рэпутацыйная шкода»: кіраўнік МЗС Літвы заявіў, што сыдзе ў адстаўку праз беларускі калій
«Гэта галаўны боль для ўрада»: дарадца прэзідэнта Літвы выказалася наконт сітуацыі вакол «Беларуськалія»
ЗША выдалі Беларускай калійнай кампаніі ліцэнзію да 1 красавіка 2022 года
-
Музычны кіраўнік дзіцячага садка з Кармы разам з жонкай стаў зоркай сацсетак. Ужо нават бухога Ігара абышоў
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
Каментары