«Спыніце масавыя рэпрэсіі». Алексіевіч, Арлоў, Вольскі, Далідовіч, Марціновіч, Някляеў і іншыя пісьменнікі падпісалі адкрыты ліст
140 беларускіх пісьменнікаў выступілі з адкрытым лістом, які апублікаваны на сайце Саюза беларускіх пісьменнікаў.
— Мы, беларускія літаратары, выказваем сур’ёзную занепакоенасць тым, што цягам апошніх 100 дзён у нашай краіне назіраецца пастаянная эскалацыя гвалтоўных дзеянняў з боку сілавых структур і адміністрацыйных прызначэнцаў да грамадзян, якія выходзяць на мірныя акцыі пратэсту і салідарнасці.
Такіх маштабаў масавых рэпрэсій не зведвала больш за сорак гадоў ні адна з дзяржаваў Еўропы. (…). На вінаватых у забойствах і скалечваннях людзей не заводзяцца крымінальныя справы. Дапускаецца збіццё звязаных затрыманых, што забараняецца сусветнай юрыдычнай практыкай нават у адносінах да ваеннапалонных. З вуснаў кіраўніцтва краіны гучаць наўпроставыя ўказанні адлічваць студэнтаў з навучальных устаноў і звальняць з працы ўсіх супрацоўнікаў, якія не згодныя з дзяржаўнай палітыкай, што з’яўляецца непасрэдным парушэннем дзейнай Канстытуцыі Рэспублікі Беларусь.
Ліст падпісалі больш за 140 пісьменнікаў. Сярод іх Святлана Алексіевіч, Уладзімір Арлоў, Вольга Бабкова, Лявон Баршчэўскі, Таццяна Барысік, Лявон Вольскі, Генрых Далідовіч, Андрэй Жвалеўскі, Максім Клімковіч, Алесь Краўцэвіч, Віктар Марціновіч, Уладзімір Някляеў, Пётра Садоўскі, Ганна Севярынец, Аксана Спрынчан, Андрэй Хадановіч, Аляксандр Фядута, Кастусь Цвірка, Саша Філіпенка ды інш.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары