Балаба: Страляць будзем толькі ў выпадку нападзення на супрацоўнікаў спецыяльнымі прадметамі
Сёння байцы АМАПа і іх сем'і сутыкаюцца з беспрэцэдэнтным ціскам і ў рэальным жыцці, і ў сацыяльных сетках. Пра гэта камандзір сталічнага АМАПа Дзмітрый Балаба заявіў у эфіры СТБ.
«Мы ўжо на працягу двух месяцаў назіраем тых жа жанчын, як правіла, адных і тых жа, якія ходзяць, выказваюць — я б не сказаў, што выказваюць сваё меркаванне. Таму што пішчаць, крычаць, віскочуць, калі з імі спрабуеш размаўляць. Спрабуюць нейкім чынам усяляк справакаваць супрацоўнікаў міліцыі на любыя дзеянні», — сказаў Балаба.
Кіраўнік мінскага АМАПа сказаў, што супрацоўнікі імкнуцца «працаваць філігранна і ювелірна, імкнучыся прычыніць нават пры затрыманні мінімальную шкоду правапарушальніку».
Балаба лічыць, што пратэст пачаў радыкалізавацца.
«Што тычыцца прымянення зброі, яшчэ раз: як супрацоўнікі міліцыі перш, чым прымяніць агнястрэльную зброю, вядома ж, мы выкарыстоўваем усе магчымыя іншыя метады. Але калі давядзецца гэта зрабіць, вядома ж, гэта будзе зроблена. Зроблена гэта будзе толькі ў выпадках нападу на супрацоўнікаў, у выпадку, калі нехта будзе спрабаваць нанесці ўдары адмыслова прыстасаванымі прадметамі», — адзначае Балаба.
У супрацоўніка органаў унутраных спраў Беларусі сёння дастаткова шырокія паўнамоцтвы, у тым ліку па ўжыванні зброі, сказаў кіраўнік мінскага АМАПа.
Каментары