Bałaba: Stralać budziem tolki ŭ vypadku napadzieńnia na supracoŭnikaŭ śpiecyjalnymi pradmietami
Siońnia bajcy AMAPa i ich siemji sutykajucca ź biesprecedentnym ciskam i ŭ realnym žyćci, i ŭ sacyjalnych sietkach. Pra heta kamandzir staličnaha AMAPa Dźmitryj Bałaba zajaviŭ u efiry STB.
«My ŭžo na praciahu dvuch miesiacaŭ nazirajem tych ža žančyn, jak praviła, adnych i tych ža, jakija chodziać, vykazvajuć — ja b nie skazaŭ, što vykazvajuć svajo mierkavańnie. Tamu što piščać, kryčać, viskočuć, kali ź imi sprabuješ razmaŭlać. Sprabujuć niejkim čynam usialak spravakavać supracoŭnikaŭ milicyi na lubyja dziejańni», — skazaŭ Bałaba.
Kiraŭnik minskaha AMAPa skazaŭ, što supracoŭniki imknucca «pracavać filihranna i juvielirna, imknučysia pryčynić navat pry zatrymańni minimalnuju škodu pravaparušalniku».
Bałaba ličyć, što pratest pačaŭ radykalizavacca.
«Što tyčycca prymianieńnia zbroi, jašče raz: jak supracoŭniki milicyi pierš, čym prymianić ahniastrelnuju zbroju, viadoma ž, my vykarystoŭvajem usie mahčymyja inšyja mietady. Ale kali daviadziecca heta zrabić, viadoma ž, heta budzie zroblena. Zroblena heta budzie tolki ŭ vypadkach napadu na supracoŭnikaŭ, u vypadku, kali niechta budzie sprabavać nanieści ŭdary admysłova prystasavanymi pradmietami», — adznačaje Bałaba.
U supracoŭnika orhanaŭ unutranych spraŭ Biełarusi siońnia dastatkova šyrokija paŭnamoctvy, u tym liku pa ŭžyvańni zbroi, skazaŭ kiraŭnik minskaha AMAPa.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary