Najbujniejšy ŭ Rasii Omski naftapierapracoŭčy zavod, jaki naležyć kampanii «Hazpram nafta», 6 lipienia spyniŭ pierapracoŭku nafty paśla ataki bieśpiłotnikaŭ. Pra heta sa spasyłkaj na dźvie krynicy ŭ halinie paviedamiła ahienctva Reuters.
Pavodle ich infarmacyi, na zavodzie mahutnaściu 22 miljony ton nafty ŭ hod była paškodžanaja i zaharełasia ŭstanoŭka pieršasnaj pierapracoŭki nafty AVT-10. Jana zabiaśpiečvała kala 38% vytvorčych mahutnaściaŭ pradpryjemstva, abo 24,5 tysiač ton nafty za sutki.
Akramia taho, surazmoŭcy Reuters paviedamili pra avaryjnaje spynieńnie ŭstanoŭki AVT-11, raźličanaj na pierapracoŭku 24 tysiač ton nafty i 3,4 tysiačy ton hazavaha kandensatu ŭ sutki. Pavodle ich słoŭ, sama ŭstanoŭka nie paciarpieła, ale byli paškodžanyja mižcechavyja kamunikacyi, nieabchodnyja dla jaje pracy. Čakajecca, što jana zmoža adnavić pierapracoŭku ŭžo ŭ najbližejšy čas.
Z aŭtorka Omski NPZ, na dolu jakoha prypadaje kala 8% usioj naftapierapracoŭki ŭ Rasii, taksama spyniŭ prodaž aptovych partyj aŭtamabilnaha bienzinu i dyzielnaha paliva na Sankt-Pieciarburhskaj mižnarodnaj tavarna-syravinnaj biržy.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary