«Moža, dzie i pabačymsia»: salist hurta «Tiani-Tołkaj» pajšoŭ pracavać u taksi
Kolkaść śpievakoŭ za styrnom taksi ŭ Minsku imkliva pavialičvajecca. Ciapier tam možna pabačyć nie tolki Alaksieja Chlastova i jaho brata Andreja, ale i Paŭła Kłyšeŭskaha, salista hurta «Tiani-Tołkaj».
Pavieł Kłyšeŭski padzialiŭsia ŭ instahramie źmienami ŭ svaim žyćci: siońnia ŭ jaho pieršy pracoŭny dzień u taksi. Dva miesiacy tamu jon pryznaŭsia ŭ sacsietkach, što razhladaje mahčymaść pajści taksavać na arendnaj mašynie i prasiŭ padzialicca dośviedam — ci realna zarablać, kali pracuješ nie na ŭłasnym aŭtamabili.
Kamientatary tady padtrymali Paŭła — šmat chto napisaŭ ciopłyja słovy śpievaku. Niechta navat padzialiŭsia asabistaj historyjaj: «Hurt majoj maładości. Ja na vaš kancert u Breście dziaŭčynu vadziŭ. Pryjšłosia ažanicca. Da hetaha času na zvanku staić «A doma piražki»».
I voś narešcie Kłyšeŭski darabiŭ usie nieabchodnyja dakumienty i ŭpieršyniu vyjšaŭ na liniju: «Krychu chvalujusia, kaniešnie, ale pasprabuju. Moža, dzie i pabačymsia. Budu trymać u kursie».
Nahadajem: hurt «Tiani-Tałkaj» trapiŭ u čornyja śpisy i ciapier nie moža zarablać na svajoj muzycy. Niahledziačy na heta, artysty praciahvali źbiracca ŭ svajoj studyi i ładzili strymy dla padpisčykaŭ.
Ale i hetaj mahčymaści ich sioleta pazbavili. Naprykancy sakavika ŽREA, u jakoha hurt ažno 14 hadoŭ arandavaŭ pamiaškańnie, raptoŭna paviedamiła, što nie budzie praciahvać arendu. Nijakich uciamnych pryčyn ahučana nie było.
Raniej Kłyšeŭski sprabavaŭ zarabić u śfiery hramadskaha charčavańnia. U 2023 hodzie jon adkryŭ bar, jaki nazvaŭ u honar hurta — «Tiani-Tołkaj». Ale papracavać spakojna paśpieŭ tolki čatyry dni — potym ułady zakryli bar. Spačatku siłaviki namiakali na toje, byccam bar zamoviŭ rekłamu ŭ «ekstremistaŭ». Potym ułady apublikavali aficyjnuju viersiju — abvinavacili miesca ŭ antysanitaryi.
Paśla «Tiani-Tołkaj» usio ž adnaviŭ pracu — miarkujučy pa instahramie, bar isnavaŭ da vieraśnia 2025 hoda. Letaś artyst pradaŭ jaho. A ŭ taksi Kłyšeŭski vyrašyŭ pajści, bo «žyć niejak treba». Jon pisaŭ u kamientarach, što čuŭ: u taksi možna zarablać 2,5 tysiačy rubloŭ štomiesiac.
Kamientatary padtrymlivajuć śpievaka. Maŭlaŭ, heta cikavy dośvied — i možna znajści šmat siužetaŭ dla novych piesień.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary