Stała viadoma aficyjnaja viersija, čamu zakryŭsia bar «Tiani-tołkaj» u Minsku
Adździeł pa nadzvyčajnych situacyjach i pradstaŭniki centra hihijeny i epidemijałohii vyjavili niekalki parušeńniaŭ. Raniej kanał siłavikoŭ pisaŭ, što ŭstanova nibyta zamoviła rekłamu na «ekstremisckim» resursie.
Jak śćviardžaje Partyzanski rajonny adździeł pa nadzvyčajnych situacyjach (RANS) i Centr hihijeny i epidemijałohii rajona byŭ praviedzieny manitorynh dziejnaści bara i vyjaŭleny peŭnyja parušeńni, — paviedamili «Minsk-navinam» u administracyi Partyzanskaha rajona.
Paviedamlajecca, što RANS vyjaviŭ nastupnaje: nie arhanizavana padrychtoŭka pa pažarnaj prahramie asoby, adkaznaj za pažarnuju biaśpieku, pamiaškańnie ekspłuatujecca nie ŭ adpaviednaści z prajektna-ekspłuatacyjnaj dakumientacyjaj (adsutničaje druhi evakuacyjny vychad), adsutničaje płan evakuacyi ludziej pry pažary, źmienšanaja minimalnaja šyrynia evakuacyjnaha prachodu pamiž barnaj stojkaj, adsutničaje instrukcyja pa pažarnaj biaśpiecy, va ŭstanovie niama vohnietušyciela.
Tamu da ŭstaranieńnia parušeńniaŭ i było pryniata rašeńnie ab prypynieńni dziejnaści bara. Taksama znajšoŭ parušeńni rajonny centr hihijeny i epidemijałohii.
— Heta zvyčajnaja praktyka: kali jość parušeńni, pavodle pradpisańnia, dziejnaść subjekta haspadarańnia prypyniajecca. Vypraviŭ usio i, kali łaska, pracuj dalej. Zdajecca, uładalnik bara albo nie zachacieŭ likvidavać vyjaŭlenyja parušeńni, albo nie zmoh hetaha zrabić, tamu pryniaŭ pastanovu ab zakryćci abjekta, — rastłumačyli pradstaŭniki administracyi.
Pavieł Kłyšeŭski, salist hrupy «Tiani-tołkaj», paviedamiŭ na minułym tydni ŭ sacsietkach, što adkryŭ u Minsku bar, nazvany ŭ honar hrupy.
Artyst publikavaŭ fota šyldy i łakanična napisaŭ: «Dla dobrych ludziej». Znachodziŭsia bar na zavułku Uralskim, 3, dzie raniej znachodziŭsia piŭny bar «Koń».
Ustanovu pazicyjanavali jak biudžetnaje miesca z kraftavym pivam. Tam taksama sprabavali pravodzić tematyčnyja viečary z hulniami ŭ «Mafiju», turnirami pa Mortal Kombat XL ci FIFA na prystaŭcy.
Adnymi ź pieršych naviedvalnikaŭ bara stali ŭdzielniki pošukava-vyratavalnaha atrada «Anioł». Artyst padziakavaŭ im za dabro, jakoje jany robiać.
Ale ŭ aŭtorak stała viadoma, što bar zakryŭsia.
Kanał siłavikoŭ napisaŭ, što ŭstanova nibyta zamoviła rekłamu na «ekstremisckim» resursie.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy6
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary