«Čuŭ, jak ludzi bilisia hałavoj ab ścianu ŭ susiednich kamierach».
Eks-palitviazień Ihar Łosik raskazaŭ pra asablivy sposab psichałahičnaha cisku i katavańniaŭ, jaki prymianiajecca ŭ navapołackim ŠIZA.
Pavodle jaho słoŭ, źniavolenym uklučali adzin i toj ža aŭdyjazapis, jaki im davodziłasia słuchać «pa 14 hadzin» na dzień.
U jakaści prykładu Łosik pryvioŭ 26‑chvilinnuju lekcyju psichołaha Marka Bartana «Jak vyrašać kanflikty».
Žurnalist padličyŭ, što za čas znachodžańnia ŭ izalatary jamu daviałosia pasłuchać «dzieści paŭtary tysiačy razoŭ».
Cisk hukam akazaŭsia nastolki ciažkim vyprabavańniem, što niekatoryja viaźni nie vytrymlivali.
«Čuŭ, jak ludzi bilisia hałavoj ab ścianu ŭ susiednich kamierach, kab jaje nie słuchać», — apisvaje hety dośvied Ihar.
Ihar Łosik — viadomy błohier i žurnalist, jakoha asudzili na 15 hadoŭ kałonii pa abvinavačańni ŭ raspalvańni varožaści i arhanizacyi masavych biesparadkaŭ. U vieraśni 2025 hoda ŭ składzie hrupy inšych palitviaźniaŭ byŭ departavany ź Biełarusi ŭ Litvu.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary