Iryna Słaŭnikava budzie pracavać na ruskamoŭnym prajekcie «Vot tak»
Eks-palitźniavolenaja žurnalistka «Biełsata» Iryna Słaŭnikava dałučajecca da ruskamoŭnaj kamandy «Vot tak» i budzie rabić na prajekcie svaju prahramu, piša «BAŽ».
Iryna Słaŭnikava raspaviała viadoŭcu ranišniaha efiru «Vot tak» Tenhizu Adamija pra svaju tvorčuju zadumu: raskazać aŭdytoryi, «pieradusim ruskamoŭnaj, pra Biełaruś, jakaja dla mnohich zastajecca takoj terra incognita».
«Zdajecca, pra jaje ŭsie ŭsio viedajuć, ale nie viedajuć samych važnych detalaŭ: što biełarusy — heta nie rasijanie, što biełaruskaja mova ŭ Biełarusi — heta zusim nie ruskaja mova, što ŭ nas, u biełarusaŭ, inšy mientalitet, svaje kaštoŭnaści, svaje asablivaści, — skazała Iryna Słaŭnikava. — I chočacca prosta paznajomić ludziej ź Biełaruśsiu takoj, jakoj jana jość nasamreč, a nie takoj, jakoj jaje pakazvajuć dziaržaŭnyja telekanały. Bo heta nie niejki «sosud stabilnosti». Kaniešnie, my kraina tysiačy rek i azior, ale nie ŭsio ŭ nas tak dobra, nie ŭsio tak śvietła, nie ŭsio tak cudoŭna».
Padrabiaznaści — nazvu prahramy, jaje čas, farmat, rehularnaść i inšaje — Iryna Słaŭnikava pakul nie razhałošvaje.
Čamu Słaŭnikava nie praciahvaje pracu na biełaruskamoŭnym «Biełsacie», za supracoŭnictva ź jakim jana i była asudžana, nie paviedamlajecca.
Irynu Słaŭnikavu razam z mužam Alaksandram Łojkam zatrymali ŭ kastryčniku 2021 hoda. Homielski abłasny sud 3 žniŭnia pakaraŭ žurnalistku 5 hadami kałonii. 11 vieraśnia 2025 hoda Słaŭnikava trapiła ŭ lik 52‑ch vyzvalenych palitviaźniaŭ.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary