Алена Леўчанка не выйшла на волю пасля 15 сутак. Яе арышт працягнулі на 72 гадзіны
Вядомая баскетбалістка Алена Леўчанка не выйшла на волю пасля 15 сутак зняволення. Ёй працягнулі арышт яшчэ на 72 гадзіны. Як сказалі бацькам, гэта зроблена па іншым эпізодзе, піша tut.by.
Мурал з выявай Алены Леўчанка ў Мінску. Фота чытача @nashaniva
Леўчанка была затрыманая 30 верасня і арыштаваная за ўдзел у несанкцыянаваным мерапрыемстве.
Алена павінна была выйсці на волю сёння раніцай. Яе прыехалі сустракаць многія зоркі спорту, у тым ліку Ягор Мешчаракоў, Святлана Кудзеліч, Андрэй Краўчанка, Сцяпан Папоў, Іван Ганін, Канстанцін Якаўлеў, Надзея Астапчук, а таксама заўзятары баскетбалісткі.
У 7.20, роўна праз 15 сутак пасля арышту, бацькам Алены Леўчанка паведамілі, што яе арыштавалі яшчэ на 72 гадзіны.
Бацькі Алены Леўчанка. Фота Tut.by
Каментары