Давыдзька — родным і калегам Віктара Дашкевіча: Гэта трагедыя не толькі для сям'і, але і для мастацтва
Акцёр і палітык Генадзь Давыдзька выказаў спачуванні і словы падтрымкі сям'і і блізкім заўчасна памерлага заслужанага артыста Віктара Дашкевіча.
Чытайце: Смерць ад каранавіруса: заслужаны артыст Беларусі Віктар Дашкевіч
«Гэта трагедыя і страта не толькі для сям'і, але і для мастацтва. Трэба трымацца, жыццё працягваецца.
У такіх выпадках толькі будучыня, толькі нашчадкі могуць суцешыць тых, хто хто застаўся, хто кахаў, хто сябраваў. Святая памяць.
Усім акцёрам віцебскага тэатра [пяцёра з іх, паводле інфармацыі жонкі Віктара Дашкевіча, з пнеўманіямі — Рэд.] здароўя, трэба папраўляцца і выходзіць з хваробы, выходзіць на сцэну з набыткамі, якімі гэтая хвароба надзяліла чалавека.
Я маю на ўвазе тое, што кожная пакута пакідае след у чалавеку, акцёры. Гэта паліва, на якім працуе душа.
Калі ўжо выпала на долю, то гартавацца, мацней рабіцца, страты павінны арганізоўваць і змушаць на ўчынкі.
Хай трымаюцца і спадзяюцца на лепшае».
Цяпер чытаюць
Пракуратура пра смерць Мелказёрава: журналіст меў хранічную хваробу4
Каментары