Праваліўся расійскі рынак. Прычым імпарт падаў намнога ніжэйшымі тэмпамі, што прывяло да росту замежнагандлёвага дэфіцыту ўдвая.
Праваліўся расійскі рынак. Прычым імпарт падаў намнога ніжэйшымі тэмпамі, што прывяло да росту замежнагандлёвага дэфіцыту ўдвая.
У студзені 2009 года аб’ём вонкавага гандлю таварамі знізіўся на 38,9%, паведамляе прэс‑служба Нацыянальнага статыстычнага камітэта. Аб’ём вонкавага гандлю склаў 3 млрд. 83 млн. даляраў.
За першы месяц году экспарт знізіўся на 45,4% у параўнанні з аналагічным мінулагоднім перыядам і склаў 1 млрд. 319,9 млн. даляраў, імпарт — упаў на 32,8% (1 млрд. 763,1 млн.).
Адмоўнае сальда знешняга гандлю таварамі за студзень 2009 года склала 443,2 млн. даляраў.Для параўнання, у студзені 2008 года гэты паказчык быў на ўзроўні 204,1 млн. даляраў.
Сальда ў гандлі з краінамі СНД таксама склалася адмоўнае ў памеры 648,4 млн. даляраў (за студзень 2008 года — мінус 898,2 млн. даляраў). Экспарт знізіўся на 54,1% да 484,7 млн. даляраў, імпарт — на 42% (1 млрд. 133,1 млн.). Аб’ём знешняга гандлю за студзень склаў 1 млрд. 617,8 млн. даляраў (на 46,2% менш).
У тым ліку знешнегандлёвы абарот з Расіяй паменшыўся на 44,6%да 1 млрд. 430,3 млн. даляраў. Экспарт упаў на 50,1% (387,9 млн.), імпарт — на 42,3% (1 млрд. 42,4 млн. даляраў). Сальда ў гандлі з РФ склалася адмоўнае ў 654,5 млн. даляраў (за такі ж перыяд мінулага года — мінус 1 млрд. 28,1 млн. даляраў).
Знешнегандлёвы абарот з Украінай знізіўся на 60,7% да 137,4 млн. даляраў. Экспарт знізіўся на 72,3% (да 61,9 млн.), імпарт — на 39,8% (да 75,5 млн. даляраў). Сальда ў гандлі з гэтай краінай склалася адмоўнае ў 13,8 млн. даляраў (за аналагічны перыяд 2008 года плюс 98,4 млн. даляраў).
Знешнегандлёвы абарот з краінамі далёкага замежжа паменшыўся на 28% і склаў 1 млрд. 465,2 млн. даляраў. Экспарт знізіўся на 38,8% да 835,2 млн., імпарт — на 6% (630 млн. даляраў). Сальда склалася дадатнае ў памеры 205,2 млн. даляраў, у тым ліку сальда з Германіяй — адмоўнае ў 72,1 даляраў. Экспарт павялічыўся на 13,7% да 49,5 млн. даляраў, імпарт паменшыўся на 4,6% і склаў 121,6 млн. даляраў. Ззнешнегандлёвы абарот павялічыўся на 0,1% да 171,1 млн. даляраў.
Цяпер чытаюць
Лукашэнка: Я на перамовах з амерыканцамі і еўрапейцамі кажу: «Я гатовы перагарнуць старонку»18
Каментары