Pravaliŭsia rasijski rynak. Pryčym impart padaŭ namnoha nižejšymi tempami, što pryviało da rostu zamiežnahandlovaha deficytu ŭdvaja.
Pravaliŭsia rasijski rynak. Pryčym impart padaŭ namnoha nižejšymi tempami, što pryviało da rostu zamiežnahandlovaha deficytu ŭdvaja.
U studzieni 2009 hoda abjom vonkavaha handlu tavarami źniziŭsia na 38,9%, paviedamlaje pres‑słužba Nacyjanalnaha statystyčnaha kamiteta. Abjom vonkavaha handlu skłaŭ 3 młrd. 83 młn. dalaraŭ.
Za pieršy miesiac hodu ekspart źniziŭsia na 45,4% u paraŭnańni z anałahičnym minułahodnim pieryjadam i skłaŭ 1 młrd. 319,9 młn. dalaraŭ, impart — upaŭ na 32,8% (1 młrd. 763,1 młn.).
Admoŭnaje salda źniešniaha handlu tavarami za studzień 2009 hoda skłała 443,2 młn. dalaraŭ.Dla paraŭnańnia, u studzieni 2008 hoda hety pakazčyk byŭ na ŭzroŭni 204,1 młn. dalaraŭ.
Salda ŭ handli z krainami SND taksama skłałasia admoŭnaje ŭ pamiery 648,4 młn. dalaraŭ (za studzień 2008 hoda — minus 898,2 młn. dalaraŭ). Ekspart źniziŭsia na 54,1% da 484,7 młn. dalaraŭ, impart — na 42% (1 młrd. 133,1 młn.). Abjom źniešniaha handlu za studzień skłaŭ 1 młrd. 617,8 młn. dalaraŭ (na 46,2% mienš).
U tym liku źniešniehandlovy abarot z Rasijaj pamienšyŭsia na 44,6%da 1 młrd. 430,3 młn. dalaraŭ. Ekspart upaŭ na 50,1% (387,9 młn.), impart — na 42,3% (1 młrd. 42,4 młn. dalaraŭ). Salda ŭ handli z RF skłałasia admoŭnaje ŭ 654,5 młn. dalaraŭ (za taki ž pieryjad minułaha hoda — minus 1 młrd. 28,1 młn. dalaraŭ).
Źniešniehandlovy abarot z Ukrainaj źniziŭsia na 60,7% da 137,4 młn. dalaraŭ. Ekspart źniziŭsia na 72,3% (da 61,9 młn.), impart — na 39,8% (da 75,5 młn. dalaraŭ). Salda ŭ handli z hetaj krainaj skłałasia admoŭnaje ŭ 13,8 młn. dalaraŭ (za anałahičny pieryjad 2008 hoda plus 98,4 młn. dalaraŭ).
Źniešniehandlovy abarot z krainami dalokaha zamiežža pamienšyŭsia na 28% i skłaŭ 1 młrd. 465,2 młn. dalaraŭ. Ekspart źniziŭsia na 38,8% da 835,2 młn., impart — na 6% (630 młn. dalaraŭ). Salda skłałasia dadatnaje ŭ pamiery 205,2 młn. dalaraŭ, u tym liku salda z Hiermanijaj — admoŭnaje ŭ 72,1 dalaraŭ. Ekspart pavialičyŭsia na 13,7% da 49,5 młn. dalaraŭ, impart pamienšyŭsia na 4,6% i skłaŭ 121,6 młn. dalaraŭ. Zźniešniehandlovy abarot pavialičyŭsia na 0,1% da 171,1 młn. dalaraŭ.
Kamientary