Замяталін пра моўны канфлікт у краме: «Абслугоўваючы персанал павінен размаўляць на той мове, на якой да яго звяртаюцца»
Былы намеснік кіраўніка Адміністрацыі прэзідэнта Уладзімір Замяталін пракаментаваў скандал у краме «Еўраопт», удзельнікам якога ён стаў.
Па словах сведкаў, экс-чыноўнік накрычаў на касірку, якая звярнулася да яго па-беларуску.
«Абслугоўваючы персанал павінен размаўляць на той мове, на якой да яго звяртаюцца. Паўсюль гэта норма. Увогуле я не разумею, у чым шум і інтарэс. Нічога звышнатуральнага не адбылося», — мяркуе Замяталін.
Ён тлумачыць, што не зразумеў словы касіркі. «Вучыць беларускую мову ў 70 гадоў я не збіраюся», — заявіў Замяталін.
Як жа ён мог працаваць чыноўнікам у краіне, дзе беларуская мова дзяржаўная? «Мы ўсе выйшлі з агульнага савецкага дзяцінства. Няма нічога страшнага», — тлумачыць ён.
Экс-ідэолаг не хоча нават называць мову «беларускай»:
«Мова, якую называюць беларускай, з’явілася раней, чым насельніцтва ВКЛ сталі называць беларусамі». Яму бліжэй азначэнне «стараруская».
«Еўраопт»: Прэтэнзіі пакупніка да касіркі не апраўданыя
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год19
Каментары