Рашэнне экс-кандыдата ў прэзідэнты Алеся Міхалевіча вярнуцца — выбар сапраўднага патрыёта. Ён вяртаецца на радзіму, дзе яго чакае крымінальная справа і, можа быць, турма. Але гэта радзіма.
Пяць гадоў таму ён выкрыў здзекі з палітвязняў у турме КДБ і выехаў, бо ціск быў невыносны.
Ягонае рашэнне балатавацца ў прэзідэнты ў 2010-м было нямудрым, і ён пра яго, напэўна, сто разоў пашкадаваў. Яму прыйшлося шмат нацярпецца ў выніку.
Ён вяртаецца да жонкі і дзяцей, што ўвесь гэты час жылі ў Мінску.
Ягоная жонка — вялікі патрыёт нашай краіны. Яна магла атрымаць палітычны прытулак за мяжой па праве ўз'яднання сям'і. І не згубілася б яна там — яна выкладчыца англійскай мовы, з такой прафесіяй яна знайшла б працу ў любой краіне. Але яна засталася ў Беларусі, хоць гэта было страшна і цяжка. Адна з двума малымі дзецьмі, хворай мамай і старой бабуляй. Мала хто ведае, што Мілана Міхалевіч — дачка сціплага паэта, аўтара цудоўнай песні «Песняроў» «Ты мне вясною прыснілася» Міхася Шушкевіча (не блытаць са Станіславам Шушкевічам-фізікам і Станіславам Шушкевічам-паэтам). Але гэта ўжо лірыка.
А фізіка ў тым, што Алесь Міхалевіч застанецца тут.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі10
Каментары