«Aburaje nie toje, što Mierkiel chacieła damaŭlacca z Pucinym u 2021-m, a toje, što ŭ 2025‑m nie choča pryznać: damaŭlacca ź im nie było pra što»
Pucin pavažaje tolki siłu, jon i jahonaje atačeńnie plavać chacieli na dypłamatyju, vajna była b pa-lubomu. Čamu heta nie pryznaje Mierkiel? Dobra, kali heta tolki z-za samalubstva, a nie z-za niejkich intaresaŭ, piša ŭ fejsbuku historyk Alaksandr Paškievič.
U intervju Mierkiel aburaje navat nie toje, što jana chacieła damaŭlacca z Pucinym u 2021 hodzie, a toje, što navat u 2025-m, paśla taho, što adbyłosia za apošnija chutka ŭžo 4 hady, jana nie choča pryznać, što damaŭlacca z hetym čałaviekam nie było pra što absalutna — jon pryznaje i pavažaje tolki siłu.
Pryncypovaje rašeńnie prynamsi adnosna zachopu Ukrainy i Małdovy im tady ŭžo było pryniata, i ništo b jaho nie spyniła.
I jakraz Polšča dy krainy Bałtyi mieli racyju, kali heta i tady ŭžo razumieli i inšym tłumačyli. A nie tyja, chto nasiŭsia ci nosicca z Pucinym jak ź pisanaj torbaj, dumajučy, što jaho možna spakusić niejkimi ekanamičnymi pluškami i tym paźbiehnuć vajny nie na hod-dva, a nazaŭsiody.
Mierkiel škaduje, što voś kavid pieraškadžaŭ z Pucinym sustrecca asabista i z voka na voka ŭsio pieracierci — tamu i vajna razharełasia. A tak by, maŭlaŭ, sustrelisia i dasiahnuli kampramisu.
Nu voś niaŭžo dahetul nie zrazumieła, što adziny «kampramis», jaki tady zadavoliŭ by Pucina — tolki kali b Zachad zdaŭ jamu Ukrainu biez boju? Što Pucin i jahonaje atačeńnie plavać chacieli na dypłamatyju? I što vajna była b pa-lubomu — kali nie ŭ 2022-m, to ŭ 2023-m, 2024‑m ci 2025-m, ale była b. Prosta tamu, što Pucin da jaje śviadoma i metanakiravana rychtavaŭsia, a sastupki paśla zadušeŭnych razmoŭ jaho nie spyniali b, a jakraz natchniali b. Prosta zadačy vajennyja mianialisia b, udary pieranakiroŭvalisia b na inšyja celi, na inšyja krainy — tolki i ŭsiaho.
Ja nie dumaju, što Mierkiel nasamreč prosta niedalokaja durnica — kab jana takoj była, to nie kiravała b Hiermanijaj až 16 hadoŭ. Usio jana, kaniešnie, dobra razumieje.
Voś tolki pryznavać svaje pamyłki nie choča, na inšych adkaznaść pierakładaje. I dobra, kali heta tolki z-za samalubstva, a nie z-za niezakrytych intaresaŭ.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
Adrazu pa cytacie bačna, što razmaŭlaje nie navukoviec. Dzie dokaz takomu śćvierdžańniu, ci jon dumki umieje čytać?
A heta tolki 4-y hod jaho prezidenctva.
2. Pra viartańnie vosi Hiermanija-Rasieja maryli nieanacysty-tradycyjanalisty-jeŭrazijcy (Duhin i jaho akružeńnie) jašče z kanca 1990-ch. Va ŭjaŭleńniach hieapalitykaŭ heta kantynientalnyja siły, jak supraćstaŭleńnie marskim, atłantyčnym dziaržavam.
(Darečy, soram, što marhinalnaja raniej psieŭdanavuka hieapalityka z časam uvajšła i ŭ leksikon biełaruskich palitykaŭ i palitołahaŭ).