Mierkiel zajaviła, što ŭ ahresii Pucina častkova vinavatyja Polšča i krainy Bałtyi
Byłaja kanclerka Hiermanii Anhieła Mierkiel zajaviła, što ŭ 2021 hodzie Polšča i krainy Bałtyi vystupili suprać pramych pieramoŭ z Rasijaj, a pandemija Covid-19 pahoršyła situacyju z Ukrainaj z-za adsutnaści niepasrednych kantaktaŭ. Pra heta jana zajaviła padčas vizitu ŭ Vienhryju ŭ intervju miascovamu internet-vydańniu Partizán, piša Euronews.
Pa słovach Mierkiel, pazicyja Polščy i krain Bałtyi była vyklikanaja aściarohami, što ES nie zmoža vypracavać adzinuju palityku ŭ dačynieńni da Rasii.
Z hetaha byłaja kanclerka zrabiła vysnovu, što zbližeńnie z Rasijaj pravaliłasia, a značyć, krainy z uschodu Jeŭrasajuza ŭ niejkaj stupieni častkova vinavatyja ŭ rasijskaj vajskovaj ahresii suprać Ukrainy.
Mierkiel zajaviła, što prapanavała novy farmat dyjałohu ŭ 2021 hodzie, jaki nibyta stabilizavaŭ by adnosiny z prezidentam Uładzimiram Pucinym. Jana adznačyła, što Minskaje pahadnieńnie 2015 hoda było «dalokim ad daskanałaści», i jaho vykanańnie rasijskim bokam nie było harantavanaje. Adnak jano «supakoiła» i biez taho napružanuju situacyju na niekalki hadoŭ i dało Ukrainie čas.
«Ukraina stała inšaj krainaj i zmahła lepš abaranić siabie», — patłumačyła Mierkiel.
Pakolki nastupnaja sproba dyjałohu ŭ 2021 hodzie pravaliłasia, situacyja mahła b abvastrycca.
«Paśla ja pakinuła pasadu, i pačałasia pucinskaja ahresija», — skazała Mierkiel.
Jana taksama patłumačyła, što niemahčyma dakładna skazać, što mienavita pryviało da pačatku vajny. Na dumku byłoj kanclerki, pandemija karanavirusa ŭskładniła padtrymańnie dypłamatyčnych adnosin: naprykład, asabistuju sustreču Pucina i Mierkiel pryjšłosia admianić. Heta spryjała ŭzmacnieńniu adčužeńnia pamiž Rasijaj i Zachadam.
«Kali vy nie možacie sustrecca, kali vy nie možacie abmierkavać adroźnieńni ŭ pohladach tvaram da tvaru, to vy nie zmožacie znajści novyja kampramisy, — skazała Mierkiel. — Tyja ž vyniki nie mahli być dasiahnuty z dapamohaj videakanfierencyj».
«Časy źmianilisia, i ciapier my pavinny zrazumieć, jak možam zrabić siabie zdolnymi da miru, dziejničajučy ŭ jakaści realnaha strymlivajučaha faktaru i adnačasova padtrymlivajučy Ukrainu», — skazała Mierkiel.
Mierkiel taksama sustrełasia z premjer-ministram Viktaram Orbanam. U intervju jana zajaviła, što nie ličyć Orbana «trajanskim kaniom» u ES, prosta, na jaje dumku, jon adstojvaje ekanamičnyja intaresy svajoj krainy.
«Vystaŭlajučy pretenzii da Trampa, ja b paraiŭ jeŭrapiejcam azirnucca nazad, u luty 2015 hoda»
Mierkiel: Tramp začaravany pucinskaj Rasijaj
Anhieła Mierkiel zajaviła, što Rasija «nie pavinna vyjhrać vajnu»
Kali ŭ Zachodniaj Jeŭropie nie kryzis, to što takoje kryzis?
Anhieła Mierkiel: Ja dobra viedała namiery Pucina i viedała, što jon vorah Jeŭropy
Voś što Mierkiel napisała pra Trampa ŭ svaich miemuarach
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary
Moža joj nobiela dać za mirnyja namahańni?
Voś adkaz čamu krainy Zachadu zataŭkli Biełaruś u śfieru Rasiei. Zachad chacieŭ i Ukrainu zataŭčy, ale jana supraciŭlajecca. My vinavaty što chočam žyć u svabodnyj krainach.