Jak adroźnić časovaje vypadzieńnie vałasoŭ ad abłysieńnia? Tłumačyć trychołah

Stres, pieraniesienyja infiekcyi, paślarodavy pieryjad, pryjom niekatorych preparataŭ (naprykład, antykaahulantaŭ), admova ad aralnych kantraceptyvaŭ, deficyt vitaminaŭ i mikraelemientaŭ — usio heta moža vyklikać časovaje vypadzieńnie vałasoŭ. Takaja źjava nazyvajecca ciełohienavym (reaktyŭnym) vypadzieńniem.

U takim vypadku vałasy vypadajuć raŭnamierna pa ŭsioj hałavie, ale najbolš zaŭvažna heta ŭ skronievaj zonie, dzie ich i tak mienš, tłumačyć doktar.

Paśla narmalizacyi stanu (naprykład, paśla spynieńnia pryjomu lekaŭ abo adnaŭleńnia paśla stresu) vałasy pastupova pačynajuć raści nanova.

Adnak byvaje, što za zvyčajnym siezonnym vypadzieńniem chavajecca pačatak andrahiennaj ałapiecyi — surjoznaha zachvorvańnia, jakoje časta sustrakajecca ŭ žančyn.

 Spačatku vałasy vypadajuć tolki ŭ peŭny čas hoda, zvyčajna ŭ žniŭni-vieraśni. Ale ŭ niejki momant siezonnaje vypadzieńnie nie spyniajecca. Na pryjomie vyjaŭlajecca, što heta — pačatak andrahiennaj ałapiecyi.

U bolšaści pacyjentaŭ, jakija źviartajucca da Natalli Łašovaj, dyjahnastujecca mienavita andrahiennaja ałapiecyja. Jana ŭźnikaje z-za pavyšanaj usprymalnaści vałasianych falikułaŭ da andrahienaŭ — mužčynskich harmonaŭ.

Heta nie značyć, što ałapiecyja byvaje tolki ŭ mužčyn. Žančyny taksama pakutujuć ad jaje, pryčym navat u padletkavym uzroście, kali jość hienietyčnaja schilnaść.

U mužčyn pieravažna pakutuje łobnaja zona i makuška, źjaŭlajucca charakternyja załysiny. U žančyn ža prykmietaj źjaŭlajecca pašyreńnie centralnaha praboru. Navat źmieny ŭ pryčoscy nie dapamahajuć.

Jašče adzin tryvožny znak — vałasy pierastajuć dasiahać zvykłaj daŭžyni. Źvierchu abjom nibyta zastajecca, a nižnija pasmy stanoviacca redziejšymi. Heta źviazana z tym, što aktyŭnaja faza rostu skaračajecca, i vałasy prosta nie paśpiavajuć vyraści daŭhimi.

Jak spynić abłysieńnie?

Pa słovach Natalli Łašovaj, efiektyŭnych srodkaŭ niašmat.

Vyjaŭleny deficyt vitaminaŭ i minierałaŭ moža ŭzmacnić stratu vałasoŭ pry andrahiennaj ałapiecyi, tamu jaho varta skarektavać, raić Natalla Łašova. Budzie heta charčavańnie abo pryjom dabavak — vyrašać pavinien doktar.

Što tyčycca dohladu, to jon nie zdolny paŭpłyvać na sami vałasianyja falikuły. Kaśmietyčnymi srodkami možna palepšyć abo pahoršyć stan vałasianoha «pałatna», ale zapuścić rost novych vałasoŭ z dapamohaj šampuniaŭ i masak nie vyjdzie.

U vypadkach vyjaŭlenaj ałapiecyi mohuć pryznačacca antyandrahieny — preparaty, jakija źnižajuć upłyŭ andrahienaŭ. Ale ich prymianieńnie mahčyma tolki pad nahladam lekara.

Kali vy zaŭvažyli, što vałasoŭ stanovicca mienš, nie adkładajcie vizit da śpiecyjalista. Čym raniej raspačać lačeńnie, tym vyšej šancy adnavić zdaroŭje vałasoŭ. 

Pry andrahiennaj ałapiecyi adbyvajucca niezvarotnyja źmieny: falikuł pastupova stanovicca mienš, a vakoł jaho ŭtvarajecca rubcovaja tkanina, jakaja jak by «cemientuje» falikuł — i vołas tam bolš nie raście. 

• 0
• 0
• 0
• 0
• 0
• 0
• 0
• 0