Zdaroŭje2727

Vučonyja nazvali kolkaść krokaŭ, jakaja ratuje ofisnych rabotnikaŭ

Navat kali vy pravodzicie za stałom pa 10 hadzin u dzień, jość šaniec vypravić situacyju. Daśledavańnie pakazała: škodu ad siadziačaj pracy možna źmiakčyć — treba tolki bolš ruchacca. Kolki krokaŭ dastatkova?

Fota: Volha Rymasheuskaya / Vecteezy.com

Sučasnaja rečaisnaść robić małaruchomy ład žyćcia normaj: ofisnaja praca, transpart, adpačynak pierad ekranami. Viadoma, što praciahłaje siadzieńnie źviazana z pavyšanaj ryzykaj sardečna-sasudzistych zachvorvańniaŭ, dyjabietu, ankałohii i skaračeńniem praciahłaści žyćcia. Ale da niadaŭniaha času zastavałasia adkrytym pytańnie: ci možna niejtralizavać hetyja ryzyki takoj prostaj fizičnaj aktyŭnaściu, jak chadźba?

Jak piša Science Alert, adkaz dali navukoŭcy Sidniejskaha ŭniviersiteta, jakija praanalizavali danyja bolš jak 72 000 čałaviek (siaredni viek skłaŭ 61 hod, 58% — žančyny) z maštabnaha brytanskaha prajekta UK Biobank — doŭhaterminovaha daśledavańnia, zapuščanaha ŭ 2006 hodzie i raźličanaha prynamsi na 30 hadoŭ nazirańniaŭ. U siarednim dla kožnaha ŭdzielnika było sabrana pa 6,9 hoda źviestak pra ahulny stan zdaroŭja.

Na praciahu tydnia ŭdzielniki nasili na zapiaściach akseleromietry, kab vyznačyć uzrovień fizičnaj aktyŭnaści — kolki krokaŭ jany rabili i kolki času pravodzili ŭ siadziačym stanoviščy.

Siaredni čas, praviedzieny ŭ siadziačym pałažeńni, skłaŭ 10,6 hadziny na dzień. Tych, chto siadzieŭ bolš za 10,5 hadziny, adnieśli da hrupy z «vysokim uzroŭniem siadziačaha ładu žyćcia», astatnich — da hrupy z «nizkim uzroŭniem». Z analizu vyklučyli ludziej, čyj stan zdaroŭja na praciahu pieršych dvuch hadoŭ nazirańniaŭ moh paŭpłyvać na ŭzrovień aktyŭnaści — takim čynam, vyniki datyčacca tolki adnosna zdarovych ludziej.

Daśledavańnie pakazała: dla tych, chto bolšuju častku dnia pravodzić siedziačy, aptymalnaja kolkaść krokaŭ — ad 9 000 da 10 000 za dzień. U hetym dyjapazonie ryzyka sardečna-sasudzistych zachvorvańniaŭ źnižałasia na 21%, a ryzyka śmierci — na 39%.

Pry hetym prykładna pałova karysnaha efiektu dla zdaroŭja dasiahałasia ŭžo na ŭzroŭni 4000—4500 krokaŭ u dzień. Inakš kažučy, navat umieranaje pavieličeńnie aktyŭnaści značna palapšaje stan zdaroŭja.

«Luby pakazčyk, vyšejšy za 2200 krokaŭ na dzień, byŭ źviazany ź mienšaj ryzykaj śmierci i sardečna-sasudzistych zachvorvańniaŭ — jak pry vysokim, tak i pry nizkim uzroŭni siadziačaha ładu žyćcia», — adznačajuć aŭtary.

Kamientary27

  • Nu-nu
    05.05.2025
    10 000 tysiač krokaŭ heta trochi mienš za 2 hadziny chady. Niechta surjozna ličyć, što ŭ ludziej nastolki pustoje žyćcio, što jany buduć marnavać jašče 2 hadziny žyćcia kožny dzień? Skaračajcie pracoŭny dzień da 5-6 hadzin, tady budziem chadzić jašče dźvie hadziny.
  • Nu-i-nu
    05.05.2025
    Nu-nu, Chod́ba - eto nie potieriannoje vriemia, eto vriemia dla zdorov́ja tieła . Eto jeŝie i samyj prostoj sposob mieditacii, kotoraja razriažajet problemy v hołovie u čiełovieka, vosstanavlivajet psichiku i poddierživajet jeje v zdorovom sostojanii.
  • Jo
    05.05.2025
    Čat hpt vydaje, što dziesiać tysiač krokaŭ, heta 7-8 km. NN, nie lanujciesia dapisvać.

Śledam za «Jeŭraoptam» vobšuki adbylisia i ŭ «Dabranomie»8

Śledam za «Jeŭraoptam» vobšuki adbylisia i ŭ «Dabranomie»

Usie naviny →
Usie naviny

«Utopija, zasnavanaja na empatyi». Na amierykanskim fiestyvali Burning Man budzie biełaruski łahier

U žodzinskaj turmie prajšli vučeńni z udziełam AMAPa3

U Breście dziaŭčyna pabačyła aryjenciroŭku na źnikłaha čałavieka — i znajšła jaho za paru chvilin1

Prajekt zajšoŭ u tupik? Što z samalotam, jaki chacieli vypuskać u Biełarusi1

Wildberries adkazaŭ na situacyju ź biełaruskaj, jakaja zakazała 34 kupalniki3

«Papierka, a nie padstava dla vyjezdu». Biełarusa z polskim prajaznym dakumientam nie puścili na samalot

U jakich haradach Biełarusi budujuć najbolš žytła? Roźnica pamiž uschodam i zachadam uražvaje10

Padčas načnoj ataki Ukraina straciła F-16

U Mahilovie mužčyna ŭdaryŭ milicyjanta nažom u žyvot, a potym zahinuŭ u pahoni6

bolš čytanych navin
bolš łajkanych navin

Śledam za «Jeŭraoptam» vobšuki adbylisia i ŭ «Dabranomie»8

Śledam za «Jeŭraoptam» vobšuki adbylisia i ŭ «Dabranomie»

Hałoŭnaje
Usie naviny →

Zaŭvaha:

 

 

 

 

Zakryć Paviedamić