Muziej u Vietcy źbiraje srodki na ŭnikalny ekspanat XVIII stahodździa
Adkryli zbor srodkaŭ na ŭnikalny ekspanat XVIII stahodździa, paviedamlajecca na sajcie Vietkaŭskaha muzieja staraabradnictva i biełaruskich tradycyj.
Hod tamu z dapamohaj nieabyjakavych ludziej muziej zmoh prydbać dla kalekcyi šykoŭny ekspanat, prykład vietkaŭskaj ikanapisnaj škoły. Heta ikona z vyjavaj Božaj Maci, jakaja źjaŭlałasia častkaj Carskaj bramy XIX stahodździa, a dakładniej stvorkaj z navierša bramy.
Carskaja brama, važny elemient ikanastasa ŭ carkvie — vielmi redki i amal nieviadomy pomnik staraabradnickaha mastactva Vietki. Bo, na žal, staraabradnickija chramy ŭ roznyja pieryjady rabavalisia dy źniščalisia.
«Viadoma, što na druhoj stvorcy, pobač z vyjavaj Božaj Maci była vyjava Archanhieła Haŭryiła. My razumieli, što šaniec znajści druhuju stvorku z toj bramy, ci inšy frahmient — amal nulavy. Tamu, kab u ekspazicyi adradzić vobraz Carskaj bramy krychu bolš poŭna — pobač z abrazom Božaj Maci adlustravali pryblizny prorys frahmienta stvorki z Archanhiełam Haŭryiłam», — paviedamlajuć supracoŭniki muzieja.
Prajšoŭ amal hod. I vypadkova, znajšłosia bolš rańniaje i poŭnaje navierša z Carskaj bramy! Dźvie stvorki bramy — dźvie ikony z vyjavami Božaj Maci i Archanhieła Haŭryiła! Heta vietkaŭski ikanapis kanca XVIII stahodździa.
Ikony znachodziacca ŭ pryvatnaj kalekcyi. Kalekcyjanier zhodny ich pradać Vietkaŭskamu muzieju staraabradnictva i biełaruskich tradycyj.
Nieabchodnaja suma — 8500 rubloŭ.
Suma vielmi pieravyšaje biudžet muzieja, i, kab nabyć hety cudoŭny ekspanat, muzieju patrebna dapamoha.
«Elemienty Carskaj bramy — redki i ŭnikalny pomnik Vietkaŭskaj škoły ikanapisu, jaki vielmi nie chaciełasia b upuścić. Chočacca, kab našy kulturnyja i histaryčnyja pomniki my i našy dzieci mahli bačyć, i bačyć doma, a nie ŭ muziejach inšych krain», — napisana na sajcie muzieja.
Pieraličyć hrošy možna na sponsarski rachunak muzieja.
Rekvizity. Raźlikovy rachunak u AAT «Biełarusbank», u biełaruskich rublach:
UNP (UNN): 400560905
Rachunak (IBAN): BY65AKBB36424130002703100000
BIK (kod banka): AKBBBY2X
Atrymalnik: Vietkaŭski muziej
Kod pryznačeńnia płaciažu: 44201
Pryznačeńnie pieravodu: na nabyćcio pradmieta muziejnaha značeńnia (heta nieabchodna paznačyć abaviazkova).
Kab apłacić praź internet-bankinh/mabilnaje prykładańnie, vybirajcie nie ARIP, a Pieravody — Pa rekvizitach.
Spasyłka na rekvizity dla spampoŭki.
Čytajcie taksama:
Što budzie z čerapam mamanta, jaki znajšli ŭ race Biesiadź
Vietkaŭski muziej atrymaŭ u padarunak ad hamialčanki staradaŭniuju siamiejnuju ikonu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu37
Kamientary