Novaja siensacyja na raskopkach u Połacku: archieołahi znajšli skarb staražytnych vizantyjskich maniet
Archieałahičnyja daśledavańni na terytoryi haradskoha stadyjona ŭ Połacku praciahvajuć ździŭlać novymi adkryćciami. Pra znachodki apošnich dzion raspavioŭ gorod214.by staršy vykładčyk kafiedry historyi i turyzmu Połackaha dziaržaŭnaha ŭniviersiteta Alaksiej Koc.
Nahadajem, što raniej archieołahi znajšli šmat materyjałaŭ, jakija stali padćviardžeńniem isnavańnia na hetym miescy bujnoj vytvorčaści pa apracoŭcy kalarovych mietałaŭ — tak zvanaha kvartała juvieliraŭ.
A dniami ŭ juvielirnaj majsterni byŭ znojdzieny skarb miednych vizantyjskich folisaŭ. Heta staražytnyja maniety, adčakanienyja na miažy X—XI stst., jakija patrapili ŭ Połack u XI stahodździ. Haspadar schavaŭ ich pad piečkaj-kamienkaj, dzie płavili kalarovyja mietały.
Dźvie maniety znachodziacca ŭ dobrym stanie, na adnym baku pračytvajecca nadpis-lehienda, na druhim — abličča praviciela-impieratara. Papiarednie navukoŭcy miarkujuć, što heta Vasil II Bałharabojca, pry jakim padtrymlivalisia ciesnyja suviazi Kijeŭskaj Rusi i Vizantyjskaj impieryi.
Paškodžanyja maniety ŭžo nakiravanyja na restaŭracyju ŭ muziej-zapaviednik.
Unikalnaść znachodki ŭ tym, što raniej u Biełarusi, jak patłumačyŭ Alaksiej Koc, u miežach archieałahičnych raskopak vizantyjskich skarbaŭ nie znachodzili. Adzinkavyja maniety byli, a ŭ składzie kalekcyi jany trapilisia ŭpieršyniu.
Jašče adzin kaštoŭny artefakt — frahmient padvieski ŭ vyhladzie siakierki, što słužyła abiareham dla vajara. Na siakiercy napajana ptušačka. Znachodka datujecca XI—XII stahodździami i raniej padobnych prykładaŭ na terytoryi krainy zusim nie sustrakałasia. Nasić takija redkija statusnyja rečy mahli tolki vajary vysokaha ranhu.
Redkimi źjaŭlajucca taksama frahmienty falšyvych dyrchiemaŭ, jakija nie zavozilisia z Arabskaha chalifata, a vypłaŭlalisia niepasredna na miescy. Cikava, što ŭ 1980-ja hady archieołah Siarhiej Tarasaŭ znajšoŭ padčas raskopak u Połacku liciejnuju formu dla vyrabu takich maniet.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6363
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie63
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary